Тыва ёзу-чаңчылдар хүнү — 23 июня 2026 г. в 04:11:34.905
Тыва ёзу-чаңчылдар хүнү Улуг-Хем кожуунда «Чодураа» лагеринде Баштайгыларның ээлчээнде дыштанып келген уруглар тыва национал ёзу-чаңчылдарның делегейинче шымныгып кирген. Уругларны эртенги шакта-ла «Тыва чаңчылдар» квест манап турган. Командаларга чарлып алгаш, уруглар-оолдар капшагай, эрестиг болурунуң шенелделерин эрткеш, төрээн чериниң төөгүзүнче сиңнигип, ада-өгбелериниң мерген угаанын, ёзу-чаңчылдарын шиңгээткеннер. Ооң соонда «Тыва – мээң чуртум» чурук база уран чурулганың мөөрейи эгелээн. Тыва ёзу-чаңчылдар хүнү «Тыва – бистиң өргээвис» байырлыг хемчег-биле доозулган: национал идик-хеп, хөөмей-сыгыт, игилдиң аялгазы, аянныг номчулга, төрээн чериниң дугайында ырлар, көшкүн чоннуң амыдыралындан көргүзүглер үзүктелбээн. 💭 «Ёзу-чаңчылдар – салгалдарны тудуштуруп чоруур быжыг удазын дээрзин бөгүнгү хүн база катап бадыткаан. Ол бо хүнде ам-даа быжыккан. Шупту киржикчилерге четтиргенивисти илереттивис» - деп, лагерьниң башкылары демдеглээн. Мы в ВКонтакте | Мы в MAX