Гимназия 9 : Чаа билиглерже бурунгаар! — 1 сентября 2026 г. в 07:59:34.723
Гимназия 9 : Чаа билиглерже бурунгаар! Чай эрткен, чаа өөредилге чылы эгелээн. Бөгүн, сентябрь 1-де, гимназия уругларга эжиин ажыткан. Чаңчыл ёзугаар Билиглер хүнүнүң байырлыг чыскаалынга ада-иелер, школачылар, башкылар чыглып келген. Байырлыг чыскаал үезинде гимназияның директору Солангы Тамчай башкыларга, уругларга болгаш ада-иелерге байыр чедирген сөстерни чугаалаан. Солангы Тамчай, гимназияның директору: - База бир чаа өөредилге чылында чаңчыл езугаар Кызылдың 9 дугаар гимназиязы уругларга эжиин ажыдып турар. Чай дургузунда омак-хөглүг дыштанып алган оолдар, уруглар база бир чаданы эртип, бир класс улуг апарган. Силерниң шуптуңарны улуг өөрүшкү-биле уткуп, чаа өөредилге чылында хөй-хөй чедиишкиннерлиг болуруңарны күзедим. Эртен кичээлдер эгелей бээр. Бүгү күжүңерни өөредилгеже үндүрериңерге бүзүреп тур мен. Школачы амыдырал дээрге-ле, бир дугаарында, силерниң өөредилгеде чедиишкиннериңер болур. Оон аңгыда гимназияның немелде өөредилге төвүнүң бөлгүмнери ажылдаар. Ол ышкаш эргим коллегаларымга сентябрь 1-ниң хүнү-биле байыр чедирип тур мен. Билиглер хүнү-биле! #1сентября