✍️Чоон-Хемчик кожууннуң «Адалар чөвүлелиниң» чаа даргазы!
✍️Чоон-Хемчик кожууннуң «Адалар чөвүлелиниң» чаа даргазы! Хүндүлүг Чоон-Хемчик кожууннуң чурттакчылары! 2026 чылдың октябрь 15-те Адалар хунунге тураскааткан шуулганга Чоон-Хемчик кожууннуң "Адалар чөвүлелиниң" чаа даргазын чаңгыс үн-биле соңгаан. Дондук Доржу Александровичти томуйлаан. Ооң күжү, арга-дуржулгазы, удуртукчу шынарлары кожуунга эки бараан болур дээрзинге бүзүрээр бис. Доржу Александрович аныяк, ынчалза-даа харыысалгалыг, идепкейлиг башкы. Кожууннуң эр чон ниитилелин удуртуп, чаңгыс чер-чурттугларынга төлептиг үлегерни көргүзүп шыдаар. Чаа дарганың кол хүлээлгелери – кем-херек үүлгедиишкиннерин болдурбазы, чаңчылчаан үнелиг чүүлдерни быжыглаары, чидиг айтырыгларны шиитпирлээри-биле кожуунда идепкейлиг эр кижилерни каттыштырары болур. Чаа дарга-биле идепкейлиг харылзажып, бодалдарын болгаш эгелээшкиннерин сунуп, шупту чурттакчыларны кыйгырып тур бис. Чүгле күштерни каттыштырып тургаш, Кожуунувустуң амыдыралын экижидер бис! Доржу Александровичке чаа харыысалгалыг ажылынга чедиишкиннерни кузедивис! 💪