Күндү үөрэнээччилэр, учууталлар, төрөппүттэр! — 1 сентября 2026 г. в 05:36:48.465
Күндү үөрэнээччилэр, учууталлар, төрөппүттэр! Бүгүн тапталлаах оскуолаҕыт сайын устата эһигини ахтан-суохтаан аанын тэлэччи арыйар үөрүүлээх күнэ үүннэ! Бука барыгытын ис сүрэхпиттэн Билии күнүнэн итиитик-истиҥник эҕэрдэлиирбин көҥүллээн! Өссө биир сыл улаатаҥҥыт, дьоһун дьон буолан доҕоттторгутун кытта көрсүһэн бу үөрэх дьылыгар ситиһии кынаттанан, үөрэххэ-билиигэ интэриэскит өссө хаҥаатын! Оскуолаҕыт, учууталларгыт эһиэхэ бөҕө тирэх буолуохтара диэн эрэнэбин! Бу үөрэх дьылыгар С.Ф. Гоголев аатынан Хампа орто оскуолатыгар уопсайа 162 оҕо үөрэнэр. Мантан 9 оҕо маҥнайгы кылаас боруогун атыллаан киирдилэр. Интернакка араас сирдэртэн уопсайа 13 оҕо олорор. Биһиэхэ оҕолор сылын аайы ыаллыы сытар нэһилиэктэртэн Өкүндү, Тааһаҕар, Дьөккөн, Үгүлээт, Үөһээ-Бүлүү улууһуттан, Дьокуускай куораттан кэлэн олорон үөрэнэллэр. ✅Бүгүҥҥү тэрээһиммитигэр Арыылаах нэһилиэгин аҕа баһылыга Афанасий Афанасьевич Тимофеев үтүө үгэскэ кубулуйбут маҥнайгы кылаас оҕолоругар бэлэхтэрин туттарда ✅Сылын аайы ыытыллар араас тэрээһиннэрбитин көтүппэккэ кыттыһар, бэйэлэрин кылааттарын киллэрэр “Чэбдигирии” түмсүү маҥнайгы кылаас оҕолоругар эбиэт кэннинээҕи дьарыктарыгар аналлаах араас тээбириннэри бэлэхтээтилэр. ✅Оскуолабытын 60 сыл анараа өттүгэр бүтэрбит күндү-мааны выпускниктарбыт үөрэммит оскуолабытыгар диэн 32000 тыһыынча суумманы уу харчынан оскуола иһинэн тэриллиэхтээх музейга бастакы кылааттарын киллэрэн бэлэх ууннулар. 👏👏👏Түгэнинэн туһанан бука барыларыгар итии-истиҥ махталбын тиэрдэбин🤗😇. 🔔🔔🔔Быйылгы үөрэхпит дьыла Сэбиэскэй сойуус наркомун бэрэсэдээтэлэ Степан Филиппович Гоголев 130 сааһын түмүктүүр тэрээһиҥҥэ ананар уонна 2027 сылга оскуолабыт 160 сааһын бэлиэтиир юбилейга бэлэмнэнии чэрчитинэн ыытыллар. Оскуола юбилейын ыһыах кэмигэр көлүөнэлэр көрсүһүүлэрин тэрийэр былааннаахпыт, онон араас сылларга бүтэрбит бука бары выпускниктарбытын тэрээһиннэргэ кыттыахтара диэн ыҥырабыт, долгуйа күүтэбит💞 Оскуола директора: Евелева Юлиана Николаевна 01.09.2026