Арыылаах нэһилиэгэр Саха Республикатын күнэ
Арыылаах нэһилиэгэр Саха Республикатын күнэ Муус устар 27 күнэ – Саха сирин устуоруйатыгар ураты суолталаах күн 🔵⚪🔴🟢Муус устар 27 күнүгэр Арыылаах нэһилиэгин дьоно-сэргэтэ, тэрилтэ үлэһиттэрэ, Хампа оскуолатын оҕолорун, үлэһиттэрин кытта Саха Республикатын күнүн сахалыы таҥастаах сэлэлии хааман арыйдылар. 🎈🎈🎈Тэрээһин үөрүүлээх чааһын Бүлүү улууһун баһылыгын социальнай политикаҕа солбуйааччыта Александр Игоревич Комаров эҕэрдэ тылынан арыйда. Муниципальнай сулууспаҕа өр сылларга үлэлээбит Василий Тимофеевич Турантаевка улуус баһылыга Сергей Николаевич Винокуров аатыттан Махтал суругу туттарда. Российскай Федерация гражданина буолбуттарын туоһулуур докумуону, 14 саастарын туолбут Саха Республикатын кэнчээри ыччаттарыгар туттарда.👩🏻🎓🧑🏻🎓 Маны таһынан бэйэлэрин эҕэрдэ тылларын эттилэр Арыылаах нэһилиэгин баһылыгын солбуйааччыта Савва Петрович Иванов, Бүлүү улууһун депутата Прокопий Александрович Захаров, оскуола директора Юлиана Николаевна Евелева. 🦅🦅🦅Орто Бүлүү оскуолатыттан үөрэнэн тахсыбыт чаҕылхай ыччаппыт, чулуу киһибит, Саха Автономнай Республикатыгар үөрэҕирии, юстиция наркома, прокурор Степан Филиппович Гоголев сырдык мөссүөнүгэр сүгүрүйэн туран, гирлянда уонна сибэкки дьөрбөтүн уурдулар💐💐💐 Үөрүүлээх тэрээһин саха омук саамай тэнийбит дьону түмэр биир бастыҥ үҥкүүтүнэн оһуохайынан түмүктэннэ. Түгэнинэн туһанан Арыылаах нэһилиэгин дьонугар-сэргэтигэр, туох баар тэрилтэ үлэһиттэригэр С.Ф. Гоголев аатынан Хампа орто оскуолатын аатыттан барҕа махталбын биллэрэбин. Эҕэрдэни кытта: оскуола директора Юлиана Николаевна Евелева, 27.04.2026 сыл.