🎭 Бүгүн, кулун тутар 25 күнүгэр, оскуолабытыгар, алын сүһүөх кылааһын учууталларын уон... — 25 марта 2026 г. в 10:49:58.058
🎭 Бүгүн, кулун тутар 25 күнүгэр, оскуолабытыгар, алын сүһүөх кылааһын учууталларын уонна олохтоох библиотека көҕүлээһининэн, «Күннүүн сырсар оҕо саас» театральнай туруоруу күрэҕэ буолан ааста! Күрэх Россия норуоттарын историяларын уонна культураларын туһунан билиини тарҕатыыга, төрөөбүт дойдуга тапталы иитиигэ, оҕо айар дьоҕурун өйөөһүҥҥэ уонна саҥа талааннары арыйыыга туһуланна. Оҕолору театральнай искусствоҕа уонна классическай литератураҕа сыһыарыыга ураты болҕомто уурулунна. 🏆 Кыайыылаахтар уонна анал бириистэр Күрэх түмүгүнэн миэстэлэр маннык үллэрилиннилэр: Алын сүһүөх кылаастарга: 🥇 1 миэстэ — И.А. Фёдоров аатынан III Малдьаҕар сүрүн уопсай үөрэхтээһин оскуолата ("Ольховая чурка" карельская народная сказка ) 🥈 2 миэстэ — Р.А. Христофоров аатынан Тумул сүрүн уопсай үөрэхтээһин оскуолата ("Кэҕэ" эвенская народная сказка) Оҕо уһуйаана: 🥇 1 миэстэ — И.А. Фёдоров аатынан III Малдьаҕар сүрүн уопсай үөрэхтээһин оскуолатын "Мичил" оҕо уһуйаана (" Курочка Ряба" русская народная сказка) Кыайыылаахтар дипломнарынан, бириистэринэн уонна сертификаттарынан наҕараадаланнылар. Ону таһынан анал номинациялар олохтоннулар: 👩🎤 «Бастыҥ кыыс оруола» — Яковлева Сайыына, Р.А. Христофоров аатынан Тумул сүрүн уопсай үөрэхтээһин оскуолатын 3 кылааһын үөрэнээччитэ. -Рафаилова Арина "Мичил" оҕо уһуйаанын иитиллээччитэ 👨🎤 «Бастыҥ уол оруола» — Сидоров Айхал, И.А. Фёдоров аатынан III Малдьаҕар сүрүн уопсай үөрэхтээһин оскуолатын 3 кылааһын үөрэнээччитэ, -Попов Уолан "Мичил" оҕо уһуйаанын иитиллээччитэ. Тэрээһин сылаас, доҕордуу эйгэҕэ ааста уонна үөрэх ситимин култуурунай олоҕор чаҕылхай түгэнинэн буолла! 🎉✨