✨ Бай-Тайга кожууннуң Тээли суурунда «Пифагор» математика төвү ажыттынган — 23 декабря 2025 г. в 02:32:59.960
✨ Бай-Тайга кожууннуң Тээли суурунда «Пифагор» математика төвү ажыттынган Тээлиниң В.Б. Кара-Сал аттыг ортумак школазынга «Пифагор» математика төвүнүң ажыдыышкыны болуп эрткен. Ону арга-дуржулаглыг башкы Алефтина Хомушку удуртуп эгелээн. Байырлыг ажыдыышкын хүнүнде сан башкылары келген аалчыларга болгаш өөреникчилерге солун мастер-класстарны көргүскен. Башкылар математика – солун болгаш амыдыралга херек эртем дээрзин бадыткааннар. Ол ышкаш сумулар ортузунга «Решаем ОГЭ» деп блиц-турнир эрткен. Аңаа Бай-Тал, Кызыл-Даг, Кара-Хөл, Тээли база Хемчик суурлардан тоску классчыларның командалары киришкен. «Пифагор» математика төвү саннарга болгаш бодалгаларга, дүрүмнерге ынак оолдар, уругларны хаара тудар болгаш, келир үениң эртемденнери, инженерлери, олимпиадаларның тиилекчилери оон үнер дээрзинге бүзүрел улуг. Мы в ВКонтакте | Мы в MAX