Сунтаар сэлиэнньэтигэр IV Өрөспүүбүлүкэтээҕи төрөппүт сугулаана бэлиэтик, үрдүк таһымҥа... — 27 марта 2026 г. в 02:44:11.469
Сунтаар сэлиэнньэтигэр IV Өрөспүүбүлүкэтээҕи төрөппүт сугулаана бэлиэтик, үрдүк таһымҥа ыытылынна. Бу кэрэ тэрээһин оҕону сахалыы иитиигэ, төрөөбүт тылы харыстааһыҥҥа уонна дьиэ кэргэн, уһуйаан, оскуола ситимин бөҕөргөтүүгэ аналлаах улахан түмсүү буолар. Сугулаан биир сүрүн киэргэлэ – көхтөөх төрөппүттэр оҕо иитиитигэр аналлаах бырайыактарын, оҥоһуктарын быыстапката буолла. Манна төрөппүттэр бэйэлэрин айымньылаах үлэлэрин көрдөрөн, атын дьоҥҥо холобур буолуохтаах үгүс саҥа ньымалары сүбэлээтилэр. Биһиги оскуолаттан төрөппүт оҕолорунаан айан таһаарбыт оонньууларын быыстапкатыгар Зинаида Михайловна, Никита Степанович сиэннэринээн "Саха төрүт дьарыктарын" оонньуута🙌 Жанна Маратовна кыыһынаан "Сомоҕо-домоҕо" тыл оонньуута, Ксения Васильевна кыыһынаан "Олоҥхо геройдарынан куукуланан дьүһүйүү" үлэлэрэ көрдөрүлүннэ. Оҕолор олус үчүгэйдик оонньууларын кэпсээтилэр, кэлбит дьоҥҥо мастер- класс ыыттылар.