Судаарыстыбаннай уонна бэлитиичэскэй диэйэтэл Васильев Степан Васильевич 130 сылыгар ан... — 11 марта 2026 г. в 12:56:51.282
Судаарыстыбаннай уонна бэлитиичэскэй диэйэтэл Васильев Степан Васильевич 130 сылыгар аналлаах VI-ӨРӨСПҮҮБҮЛҮКЭТЭЭҔИ «БАСХАН – 2026» ДЬЫАЛАБЫАЙ ООННЬУУ (КУОНКУРУС) улуустааҕы күрэҕин балаһыанньата. Төрүттээччилэр: Саха ϴрөспүүбүлүкэтин үөрэҕин уонна наукатын министиэристибэтэ, Саха ϴрөспүүбүлүкэтин ыччат дьыалатын уонна социальнай коммуникацияларга министиэристибэ. Тэрийээччилэр: Бүлүү улууһун үөрэҕин салалтата, Бүлүү улууһун, 1 Тоҕус нэһилиэгин, Евдокия Александровна Степанова аатынан Тоҕус уопсай үөрэхтээһин орто оскуолата. Куонкурус сыала-соруга: - уол оҕону сахалыы сиэр-майгы, өй-санаа өттүнэн сайыннарыы; - киэҥ эйгэҕэ таһаарыы, билиһиннэрии, уопсастыбаҕа уол оҕо оруолун үрдэтии; - оҕолор түмэр-салайар дьоҕурдарын үүннэрии; - бэйэ-бэйэлэригэр истиҥ доҕордуу сыһыаны үөскэтии; - төрөөбүт дойдуга үтүө сыһыаҥҥа, тапталга иитии. Ыытыллар күнэ-дьыла, миэстэтэ: Кулун тутар 17 күнэ, Бүлүү куората, Эдэр ыччат библиотеката (Орджонекидзе 6) Кыттааччылар: Бүлүү улууһун оскуолаларын 8-11 кылааhын уолан үөрэнээччилэрэ. Улуус иһигэр ыытыллыбыт «БАСХАН» куонкурус муҥутуур кыайыылаахтара финалга Үөһээ Бүлүү улууһугар ыытыллар өрөспүүбүлүкэтээҕи күрэххэ муус устар 9-10 күннэригэр 2026 сылга күөн көрсүөхтэрэ. Куонкурус ирдэбиллэрэ: - кыттааччы тас көстүүтэ куонкуруска сөп түбэһэр буолуохтаах (сахалыы таҥас эбэтэр көстүүм кэтэллэрэ ирдэнэр); - хас биирдии кыттааччыттан бейджик ирдэнэр (толору аата, оскуолата, кылааһа суруллар). - кыттыы иһин төлөбүрдээх. Төлөбүр сууммата – 150 солк., төлөбүрү буолар күнүгэр харчынан туттарыллар. Куонкурус түһүмэхтэрэ: I. «Удьуор утума» – кыттааччы төрдүн-ууһун билиһиннэриитэ (бу түһүмэххэ кыттааччы төрдүн-ууһун, удьуор утумун төһө элбэх көлүөнэҕэ диэри билэрэ ордук сыаналанар. Талааннаах, биллэр-көстөр, үлэһит удьуор утумун ордук чорботуон сөп (видеослайд көҥүллэнэр, сахалыы таҥастаах буолара ирдэнэр) 5 мүнүүтэттэн уһаабат. II. «Дойду салайааччылара мин тус бэйэм көрүүбүнэн» – талан ылан дойду салайааччыларын туһунан тус санаатын этинэр. (3 мүнүүтэ устата). Бу түһүмэххэ кыттааччы эрдэ слайданы көрөн, нүөмэр талар. Ол нүөмэригэр кэлбит дойду салайааччытын, саха аптаныамыйатын төрүттээччилэр үлэлэрин-хамнастарын туһунан, кинилэр устуоруйаҕа суолталарын, сабыдыалларын ырытан, бэйэтин көрүүтүн, санаатын киэҥник этэр. III. «Өркөн өй» – блиц-ыйытыыларга хоруй (уопсай билиини тургутан көрүү). Бу түһүмэххэ хас биирдии кыттааччыга 10-нуу араас өрүттээх тургутук ыйытыылар бэриллэллэр, кыттааччы тутатына төһөнү эппиэттээбитинэн баал ылар. IV. Дьыалабыай оонньуу (дебат). Тиэмэтэ араас буолар, билиҥҥи олоххо тыҥаан турар кыһалҕалар тула кэпсэтиэххэ сөп. Кыттааччылар бэйэлэрин инники олохторугар өрөспүүблүкэлэрин, улуустарын, нэһилиэктэрин хайдах сайыннарар былааннарын, баҕа санааларын билиһиннэрэллэр. Бу түһүмэххэ тэрилтэ салайааччылара, өрөспүүблүкэ, улуус, нэһилиэк аҕа баһылыктара, дьокутааттар уо.д.а уостастыбанньыктар кыттыылаах, эпиэрдэрдээх ыытыллар. V. «Айыы умсулҕана» – хоһоон устуруокатын тутатына ситэрэн, салҕаан айарга холонон көрүү. Хас биирдии кыттааччыга түөрт устуруокалаах араас тиэмэҕэ хоһоон бэриллэр, ону кыттааччылар ситэри айан, бар дьоҥҥо уустаан-ураннаан ааҕан иһитиннэрэллэр (5-7 мүнүүтэ иһигэр тутатына айаллар, уустаан-ураннаан ааҕаллара уонна ис хоһооно сыаналанар). Сыаналааһын, наҕарадалааһын: хас биирдии кыттааччы тэрийэр бөлөх аатыттан сэртэпикээт уонна өйдөбүнньүк бэлэх, онтон салайааччылар махтал суруктары ылаллар. Кыайыылаахтарга уонна анал аат хаһаайыннарыгар дьупулуомнар уонна сыаналаах бириистэр туттарыллыахтара. Кыттар оҕолорго оскуолата биһирэбил уонна өйдөбүнньүк бэлэх олохтуура биһирэнэр. Тэрийэр бөлөх, сайаапка: Хас биирдии кыттааччы 2026 сыл