Ыам ыйын 16 күнүгэр, биһиги оскуолабытыгар үгэс буолбут сыллааҕы Отчуоттуур Кэнсиэрбит ... — 17 мая 2026 г. в 05:18:27.551
Ыам ыйын 16 күнүгэр, биһиги оскуолабытыгар үгэс буолбут сыллааҕы Отчуоттуур Кэнсиэрбит үрдүк таһымнаахтык уонна чаҕылхайдык буолан ааста! Бу кэнсиэргэ биһиги оскуолабыт үөрэнээччилэрэ эрэ буолбакка, оҕо саадын иитиллээччилэрэ эмиэ көхтөөхтүк кыттыыны ыллылар. Кинилэр бары биир сыл устата ылбыт билиилэрин, сайыннарбыт дьоҕурдарын уонна талааннарын кэрэ ырыаларынан, сымса үҥкүүлэринэн, көрөөччүлэр улахан махталларын уонна ытыс тыаһын ыллылар. Бу ырыа-үҥкүү бырааһынньыгын тэрийиигэ көмөлөспүт бары учууталларбытыгар, иитээччилэрбитигэр, төрөппүттэрбитигэр уонна, саамай сүрүнэ, кэнсиэрбитигэр кыттыбыт бары оҕолорбутугар барҕа махталбытын тиэрдэбит! Эһиги өйөбүлгүт, дьулуургут уонна тапталгыт бу кэнсиэри чахчы умнуллубат гынна. Оҕолорбут инникитин өссө даҕаны кэнсиэрдэргэ, күрэхтэргэ көхтөөхтүк кыттан, талааннарын арыйан, биһигини үөрдэ туруохтара!✨👏🏻