Бэс ыйын 10-11 күннэригэр, Чурапчы улууһун кэрэ айылҕалаах Мындаҕаайытыгар өрөспүүбүлүк... — 12 июня 2026 г. в 03:51:45.655
Бэс ыйын 10-11 күннэригэр, Чурапчы улууһун кэрэ айылҕалаах Мындаҕаайытыгар өрөспүүбүлүкэтээҕи эбии үөрэхтээһин үлэһиттэрин түмэр икки күннээх форум үрдүк таһымнаахтык ыытылынна. Бу дьоһун тэрээһиҥҥэ 10 улуустан уонна Дьокуускай куораттан 300-кэ педагог кэлэн кыттыыны ылла. Айылҕабыт маанылаан, уйгу-быйаҥ ардаҕынан күндүлээбитэ үөрүүнү эрэ буолбакка, сорох түгэҥҥэ ыарахаттары эмиэ үөскэттэ. Төннөр айаммытыгар суолбут алдьанан уустуктар тахсыбыттарыгар, биһиги көрдөһүүбүтүн быһа гыммакка, ыарахан түгэҥҥэ тута көмөҕө кэлбит үтүө санаалаах дьоммутугар: «Дорожник» ХЭТ үлэһитэ, тракторист Артем Романович Кривошапкиҥҥа уонна Р.И. Константинов аатынан Амма орто оскуолатын тракториһыгар Сергей Николаевич Кулешовка ис сүрэхпититтэн тахсар дириҥ махталбытын тиэрдэбит. Эһиги үлэҕитигэр бэриниигит, сатабылгыт, ыарахантан чаҕыйбат хорсун быһыыгыт, киһи киһиэхэ көмөлөһөр үтүө сыһыаҥҥыт биһиэхэ улаханнык туһалаата. Үлэҕитигэр ситиһиилэри, дьиэ кэргэҥҥитигэр этэҥҥэ буолууну баҕарабыт. Махталы кытта Чурапчы улууһун үөрэҕин салалтата