Чаҕылхай ситиһии! — 18 июня 2026 г. в 21:59:00.188
Чаҕылхай ситиһии! Саха тылын биир кэлим эксээмэнигэр С.К. Макаров аатынан Чурапчы гимназиятын үөрэнээччитэ Захарова Виктория муҥутуур 100 баалы ылары ситистэ! Уһулуччу ситиһии кэлиитигэр Вика бэйэтигэр эрэлэ уонна кыһамньыта, төрөөбүт төрүт тылбыт сайдыытыгар күннэтэ туруулаһар Саха Өрөспүүбүлүкэтин үтүөлээх учуутала Фекла Николаевна Болдовская сыралаах үлэтэ, төрөппүттэрин өйөбүлэ төһүү күүс буоллулар. Бу көрдөрүү - үөрэхтээһин эйгэтин үлэтин өрө көтөҕөр, оҕолорбут уонна учууталларбыт кыахтарын уонна таһымнарын өссө төгүл бигэргэтэр ураты түгэн буолар! Викторияны, кини төрөппүттэрин уонна учууталын Фекла Николаевнаны ис сүрэхтэн итиитик-истиҥник эҕэрдэлиибит! Баҕарабыт чэгиэн-чэбдик туругу, дьолу-соргуну уонна айымньылаах үлэни. Виктория инники суола сырдык, ситиһиинэн толору буоллун!