МБОУ "Кюндядинская средняя общеобразовательная школа им. С.Г. Хардарысова"
Образование · 1 сентября 2026 г.
https://vk.ru/wall-217244865_299 — 1 сентября 2026 г. в 14:13:32.446
https://vk.ru/wall-217244865_299 Бүгүн Балаҕан ыйын 1 күнүгэр С.Г.Хардарысов аатынан Күндээдэ орто оскуолатыгар үбүлүөйдээх 50-с Билии күнэ тосхойдо! Күндээдэ 8 кылаастаах оскуолата 1976 сыллаахха Орто оскуола статуһун ылбыта. Ол кэмтэн номнуо 50 сыл ааста, бу сыллар тухары Күндээдэ орто оскуолатыгар тыһыынчанан үөрэнээччи кынаттанан тахсыбыта, сүүһүнэн учуутал киэҥ билиилэрин уонна тапталларын анаабыттара, элбэх умнуллубат бэлиэ түгэннэр хас биирдии киһиэхэ сүрэхтэригэр сылаас ахтылҕан буолан кууһар. Быйылгы 2026-2027 үөрэх дьылыгар оскуола боруогун 87 оҕо атыллаата: 1-гы кылааска 10 үөрэнээччи - кылаас салайааччыта Марианна Васильевна Ананьева, 2 кылааска 6 үөрэнээччи - кылаас салайааччытынан ананна, саҥа үөрэҕин бүтэрэн кэлбит эдэр учуутал Алина Владимировна Васильева, 3 кылааска 8 үөрэнээччи - кылаас салайааччы Полина Васильевна Иванова, 4 кылааска 9 оҕо - салайааччы Мария Сергеевна Иудина, 5 кылааска 7 үөрэнээччи - кылаас салайааччытынан ананна Татьяна Валерьевна Яковлева, 6 кылааска 8 үөрэнээччи - салайааччы Анжелика Александровна Александрова, 7 кылааска 3 оҕо - салайааччы Вера Семеновна Васильева, 8 кылааска 8 үөрэнээччи - кылаас салайааччыта Евгения Игоревна Саввинова, 9 кылааска 13 оҕо - салайааччы Елена Федоровна Варламова, 10 кылааска 7 оҕо - салайааччы Светлана Ивановна Матвеева, 11 кылааска 9 үөрэнээччи - салайааччы Елена Ивановна Кондратьева. Бүгүҥҥү үөрүүлээх линейка, Күндээдэ орто оскуолатыгар өр сылларга саха тылын уонна литературатын учууталынан үлэлээбит бэтэрээн учуутал Таисия Ивановна Иванова "Билии кыһата" хоһоонугар суруллубут ырыанан, улахан кылаас үөрэнээччилэрэ арыйдылар. Бэйэлэрин эҕэрдэлэрин, бэлэхтэрин туттардылар "Күндээдэ нэһилиэгэ" тыа сирин түөлбэтин баһылыгын солбуйааччыта Мария Тагировна Григорьева, Ньурба оройуонун үөрэҕирии салалтатын специалиһа Константин Афанасьевич Владимиров, "С.Г.Хардарысов аатынан Күндээдэ орто оскуолатын" директоры үөрэх чааһыгар солбуйааччыта Елена Федоровна Варламова. Ону тэҥэ маҥнайгы кылааска киирбит кырачааннарбыт иитэн такайан таһаарбыт, Күндээдэтээҕи "Кэнчээри" уһуйаан иитээччилэрэ Вера Петровна Иванова уонна Лидия Валерьевна Долгунова. Бэлиэ түгэҥҥэ үөрүүлэрин үллэстэ, бэйэлэрин эҕэрдэлэрин тириэртилэр, ону тэҥэ маҥнайгы кылааска киирбит оҕолорго уонна үөрэппит учууталларыгар сэмэй бэлэхтэрин туттардылар Күндээдэ орто оскуолатын 1977 сыллаах маҥнайгы выпускниктара, Галина Васильевна Гурьева, Антонина Дмитриевна Попова. Бастакы кылааска сибэкки дьөрбөтө, букубаар тутуурдаах оҕолорбут хоһоон, ырыа аргыстаах оскуола боруогун атыллаан, киэҥ билии аартыгын арыйан киирбиттэринэн итиитик-истиҥник эҕэрдэлиибит! Бүгүҥҥү үбүлүөйдээх 50-с саҥа үөрэх дьылын арыйар бэлиэ күҥҥэ, оскуолабытыгар биир үөрүүлээх түгэн буолла. Убаастанар учуутал, наставник, РСФСР үөрэҕириитин туйгуна, Ньурба оройуонун, Күндээдэ нэһилиэгин бочуоттаах олохтооҕо Степан Гаврильевич Хардарысов аатын Күндээдэ орто оскуолатыгар иҥэриллибитин туоһулуур, Степан Гаврильевич оҕолоро уонна сиэннэрэ оҥотторбут мемориальнай досканы үөрүүлээх быһыыга-майгыга арыйдыбыт. С.Г.Хардарысов кыра уола, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин физическай культуратын уонна спорт туйгуна, Педагогическай династия бэлиэ Кавалера, Күндээдэ орто оскуолатын бэтэрээнэ, выпускнига Степан Степанович Хардарысов бэйэтин эҕэрдэ тылын эттэ уонна үөрэнээччилэргэ ситиһиилэри баҕарда. Быйылгы 2026-2027 сыл үөрэх дьыла барыбытыгар үрдүк ситиһиилэри аҕаллын, оскуолабыт өрүүтүн сырдыгынан сандаардын!