МБОУ Кызыл-Чыраанская СОШ МР «Тес-Хемский кожуун РТ»
Образование · 17 августа 2026 г.
✍Тываның девискээринде назы четпээн уругларга «комендант шагының» дүрүмү езугаар кежээк... — 17 августа 2026 г. в 08:20:29.412
✍Тываның девискээринде назы четпээн уругларга «комендант шагының» дүрүмү езугаар кежээкиниң 22:00 шактан эртенгиниң 06:00 шакка чедир улуг улустуң хайгааралы чокка хөй-ниити черлеринге туруп болбазын республиканың немелде өөредилге сайзырадыр төвү дыңнаткан. Назы четпээн уруглар парктар, стадионнар, кудумчулар, бажыңнар чаны, автобус доктаамнары, транспорт, кафе, кинотеатр база дүнеки клубтарга үделге чокка туруп болбас. Назы четпээннерни ада-иези азы хоойлу езугаар төлээлери эдертип болур. Акылары, угбалары, кожалары, эш-өөрү хамаарышпас. Дүрүмнү хажытканы дээш ада-ие харыысалгалыг. Бирги удаа – сагындырыг азы 500-2000 рубльге, ийи дугаарында – 4000-5000 рубльге торгаар, беш хонукта хоругдап болур. «Комендант шагынга» хамаарышкан херектерни тус черниң назы четпээннер талазы-биле ажылдаар комиссиязы көөр болгаш, хөй удаа хажыдыышкыннар болган таварылгада уругну полицияның бүрүткелинге тургузар. «Комендант шагын» харыысалгага онаар дээш эвес, а уругларның айыыл чок чоруун хандырары-биле бадыткаан: дүнеки үеде озал-ондакка таваржып болур айыыл улуг. Ада-ие баш бурунгаар уруглары-биле чаа дүрүмнү сайгарып чугаалажып, кежээки үеде маршрудун хайгааралга алыры чугула.