⛱ Чайгы үеде уругларның айыыл чок чоруу — 8 июля 2026 г. в 03:25:41.012
⛱ Чайгы үеде уругларның айыыл чок чоруу Бай-Тайга кожууннуң девискээринде «Айыыл чок чай» акция ёзугаар хыналдар уламчылап турар. Чайгы үеде хем-суг объектилери онза айыылды тургузуп болур, ынчангаш доктаамал хыналдага алдынган. Хем-суг эриинге озал-ондакты болдурбас дээш база айыыл чок дыштанылганы хандырары-биле Россияның ИХЯ-ның «Барун-Хемчик» муниципалдыг салбырының, 5 дугаар Өрт кезээниң ажылдакчылары-биле кады кожууннуң удуртулгазы Хемчик, Тээли, Ээр-Хавак суурларның девискээринге хыналдаларны чоруткан. Хыналда үнүүшкүн үезинде назы четпээн уругларның дыштанылгазынче кичээнгейни углаан. Уругларга болгаш ада-иелерге хоруглуг, айыыл тургузуп болгу дег черлерге эштип болбас дугайында тайылбырны кылган: ада-иезиниң хайгааралы чокка хем-суг эриинче барып болбас, изиг хүннерде хүн адыышкыны ап болурунуң айыылы улуг. Ол ышкаш ада-иелерге бирги эмчи дузазын чедирериниң дүрүмнерин, сугга дүшкен кижини камгалаарын өөретпишаан, сугга айыыл чок чорук дугайында буклеттерни үлээн. ‼ Хем-суг эриинче уруг-дарыгны хайгаарал чокка чорутпазын ада-иелерге база катап сагындырган. Мы в ВКонтакте | Мы в MAX