МБОУ "Лашманская СОШ им. М.З.Шакирова" Черемшанского муниципального района Республики Татарстан
Лайфстайл · 22 июня 2026 г.
🌝24 май көнне безнең мәктәптә дә Соңгы кыңгырау бәйрәме үтте. Бер яктан, кечкенә кыз-м... — 22 июня 2026 г. в 15:08:43.108
🌝24 май көнне безнең мәктәптә дә Соңгы кыңгырау бәйрәме үтте. Бер яктан, кечкенә кыз-малай булып беренче класска куркып кына атлап кергән егет-кызларның олы тормышка аяк басар вакыт җиткән бәйрәм бу. Икенче яктан, сагышлы да – унбер ел буе бергә очрашкан классташларың, хөрмәтле укытучыларың белән аерылышасың. Шул еллар эчендә тырышып туплаган белем, осталыкларыңны сынар чак та җиткән. Шуңа да йөзләрдә шатлык нурлары балкыган арада күзләр дә яшьләнә... ✍Бәйрәм тантанасында район вәкиле Марат Аглиуллин катнашты. Аның кайнар котлауларын мәктәп директоры Фаиз Билялов, чыгарылыш класс укучыларының беренче укытучылары Илүзә Гайбадуллина класс җитәкчеләре дәвам иттеләр. Алар бүгенге кыңгырауның унберенчеләр өчен соңгы тапкыр яңгыравын, мәктәптәге балачакның беркайчан да кире кайтмавын, ләкин һәр чорның үз вакыты булуын, аларның да язмышында борылыш чоры җитүен сөйләделәр. Имтиханнарны уңышлы тапшыруларын, яшьлекнең иң матур чорының кадерен белеп, кыю алга атлауларын, хыялларының чынга ашуын, канатларының нык, юлларының киң, киләчәкләренең ышанычлы булуын теләделәр.