Саха Өрөспүүбүлүкэтин уонна Аан дойдутааҕы Үҥкүү күнүгэр аналлаах "Дойду үҥкүүтүн ситим... — 1 мая 2026 г. в 01:11:49.061
Саха Өрөспүүбүлүкэтин уонна Аан дойдутааҕы Үҥкүү күнүгэр аналлаах "Дойду үҥкүүтүн ситимэ" үҥкүү дьоро киэһэтэ тэрилиннэ. А. И. Леонтьев аатынан Лөкөчөөн орто оскуолатын үөрэнээччилэрэ уонна үлэһиттэрэ Арассыыйа араас норуоттарын үҥкүүлэрин көрдөрдүлэр. Ону таһынан араас чаҕылхай үҥкүүлэр, ырыалар толорулуннулар. Кэнсиэркэ киирии билиэт харчытын уонна аһымал аахсыйаҕа кыттыбыт көрөөччүлэр, оҕолор укпут харчыларын мунньан улуустааҕы үөрэнээччилэр аһымал "Салют, Победа!" кэнсиэркэ барыаҕа. Кэнсиэри салайан ыыттылар: Эрчим Николаев 9 кыл., Алгыс Алексеев 11 кыл. уонна дир.иитэр үлэҕэ солб. Малышева М. М. Түгэнинэн туһанан, күндү төрөппүттэрбитигэр өйөөн омук араас таҥаһын тикпиттэригэр, "Сайдам" СК специалиһыгар Филиппова В. В. уонна кылаас ийэлэригэр үҥкүүлэрбитин үөрэтэн, чочуйан биэрбиттэригэр, кылаас салайааччыларыгар оҕолорун бэлэмнээбиттэригэр оскуола салалтатын аатыттан махтанабыт. #ЛекеченскаяСОШ #ГодЕдинства #Годкультуры