СДК «Сайдам» киинигэр "Аҕаларбыт идэлэрэ" диэн көрсүһүү күнэ үөрүүлээхтик ааста
СДК «Сайдам» киинигэр "Аҕаларбыт идэлэрэ" диэн көрсүһүү күнэ үөрүүлээхтик ааста Алтынньы 15 күнүгэр СДК «Сайдам» культурнай-сынньалаҥ киинигэр оскуолабыт үөрэнээччилэригэр анаан "Аҕаларбыт идэлэрэ" диэн олус интэриэһинэй уонна туһалаах көрсүһүү күнэ буолан ааста. Бу тэрээһин оҕолорбут кэскиллэрин оҥорорго, бэйэлэрин инники идэлэрин талыыларыгар көмөлөһөр соруктаах тэрилиннэ. Көрсүһүүгэ оскуолабыт аҕалара ыалдьыттаан, бэйэлэрин күннээҕи үлэлии сылдьар идэлэрин туһунан кэпсээтилэр. Оҕолор аҕаларын идэлэрин туһунан сиһилии билэн, араас ыйытыылары биэрэн, үгүс саҥа информацияны ыллылар. Аҕалар баай уопуттарын, үлэҕэ сыһыаннарын, идэлэрин үчүгэй өрүттэрин уонна уустуктарын туһунан аһаҕастык кэпсээтилэр. Оҕолор аҕаларын кэпсээннэрин улахан сэргэхсийиинэн иһиттилэр. Оскуолабыт коллектива уонна үөрэнээччилэрбит бу тэрээһиҥҥэ кэлэн кыттыбыт, аҕаларыгар барҕа махталларын тиэрдэллэр! #НавигаторыДетства #Росдетцентр #ДеньОтцаНД #ПапаМожет #ДвижениеПервых