💠 Күндү Бүлүү улууһун олохтоохторо! Ытыктабыллаах биир дойдулаахтарым!
💠 Күндү Бүлүү улууһун олохтоохторо! Ытыктабыллаах биир дойдулаахтарым! Эһигини ис сүрэхпиттэн Арассыыйа Федерациятыгар бэлиэтэнэр Норуот сомоҕолоһуутун күнүнэн итиитик-истиҥник эҕэрдэлиибин! Биһиги дойдубут — сүүһүнэн араас омук түөлбэлээн олорор модун уонна дьылҕалаах судаарыстыба. Быйыл Арассыыйаҕа Норуоттар сомоҕолоһууларын сылын биллэрбиттэрэ мээнэҕэ буолбатах. Бу биһиги Өрөспүүбүлүкэбит, улууспут, уонна бүтүн дойдубут сайдыытын сүрүн төрдө — иллээх-эйэлээх олоххо, бэйэ-бэйэни өйдөһүүгэ уонна убаастабылга сытар. Бүлүү улууһа — Сахабыт сирин биир киэн туттар, ураты тыыннаах түөлбэтэ. Биһиги улууспут — дьиҥнээх элбэх омук түмсүүлээх дьиэтэ. Манна үгүс омук дьоно биир дьиэ кэргэн курдук олоробут. Биһиги улууспут экэниэмикэтин, промышленноһын уонна тыа хаһаайыстыбатын кыаҕын барыбыт сомоҕолоһуубут, биир санаалаах үлэбит түмүгүнэн улаатыннарабыт. Бары биир киһи курдук турунан, төрөөбүт Бүлүүбүт сайдарын туһугар күүһү-уоҕу ууран үлэлиибит. Норуот сомоҕолоһуутун күнэ биһиэхэ 1612 сыллааҕы остуоруйаны эрэ санатар буолбатах, бу күн биһиги бүгүҥҥү олохпутугар улахан суолталаах. Былыр өбүгэлэрбит дойдуну өстөөхтөн көмүскээн сомоҕолоспут буоллахтарына, биһиги, аныгы көлүөнэ дьоно, улууспут, дойдубут кэскилин туһугар бииргэ тутуһан, биир сыалынан салайтаран олоруох тустаахпыт. Күндү доҕоттор! Бу бэлиэ күнүнэн эһиэхэ барыгытыгар кытаанах доруобуйаны, дьиэ кэргэҥҥитигэр иллээх олоҕу, уостубат эрчими уонна дьолу-соргуну баҕарабын! Эһиги алаһа дьиэҕит мэлдьи сылааһынан илгийдин, оҕолоргут үөрэ-көтө улааттыннар, оттон Бүлүүбүт улууһа күн-түүн чэлгийэ, сайда турдун! Барыгытыгар эйэни, үтүөнү уонна үтүө туругу! «Бүлүү улууһа (оройуона)» муниципальнай оройуон баһылыга Сергей ВИНОКУРОВ https://vk.com/vilulus https://t.me/bylyy_uluuha https://max.ru/id1410005124_gos