Маалыкай орто оскуолатыгар маңнайгы олимпиадалар түмүктэрэ билиннэ: нуучча тыла, право,...
Маалыкай орто оскуолатыгар маңнайгы олимпиадалар түмүктэрэ билиннэ: нуучча тыла, право, общество, история, физкультура, география, биология, саха тыла. Бу олимпиадалар на5араадалара оҕолорбут билиигэ дьулуурдарын, толкуйдуур дьоҕурдарын уонна сатабылларын көрдөрөр үтүө түгэннэрэ буолар. Оҕолорбут дьаныардаахтык бэлэмнэнэн, бэйэлэрин билиигэ дьоҕурдарын толору көрдөрдүлэр. Үтүө түмүктэри ситиһэн, үгүс оҕо 3-4 араас предметка кыраамыка ылан үөрүүлэрэ үгүс. Бу ситиһии – кинилэр эрэллээхтик үөрэххэ сыһыаннарын, билиигэ тардыһыыларын, сыралаах үлэлэрин бэлиэтэ. Олимпиада туһата туохха сытарый? Олимпиадалар оҕоҕо элбэх туһалаах өттүнэн дьайаллар: • Билиини дириҥэтии: Оҕолор оскуола программатыттан таһынан баран, сүпсүлгэннээх ыйытыыларга хоруйдары көрдөөн, билиини кэҥэтэллэр. • Тардыһыыны үөскэтии: Кэрэхсэбиллээх ыйытыылары быһаарар, ураты сорудахтары толорор оҕоҕо саҥа кэрэхсэбили үөскэтэр, атын предметтэргэ эмиэ тардыһыннарар. • Олоххо бэлэмнээһин: Олимпиадаҕа кыттыы - бу бэйэни тургутуу, күрэхтэһии усулуобуйатыгар үлэлии үөрэнии. Бу дьоҕур инникитин үөрэххэ да, үлэҕэ да олус наадалаах. • Санаа күүһүн сайыннарыы: Кыттыы кэмигэр оҕо бэйэтигэр эрэлэ үрдүүр, таһаарыылаах үлэҕэ үөрэнэр. • Идэ талыытыгар көмө: Оҕолор ханнык эйгэҕэ дьоҕурдаахтарын өйдүүллэригэр көмөлөһөр, инники үөрэхтэрин хайысхатын талыыга тирэх буолар + үөрэххэ киирэргэ баал эбэр. • Дьоҕуру сайыннарыы: Олимпиадалар оҕоҕо логическай толкуйдуур, ырытар уонна түмүк оҥорор дьоҕурун сайыннараллар. Олимпиадаларга кыттыбыт дьаныардаах оҕолорбутун уонна кинилэри кытары үлэлэспит учууталларбытын ис сүрэхтэн эҕэрдэлиибит! Оҕолорбут инникитин өссө да үрдүк ситиһиилэргэ тахсалларын баҕарабыт! Олимпиадаларга кыттыы – бу билиигэ аартык, инники кэскилгэ анньыы буоларын өйдүөҕүҥ! Саҥа кыайыыларга иннигит хоту дабайың! Өссө да оройуон, өрөспүүбүлүкэ таһымыгар кыаххытын көрдөрүң!