Маалыкай oскуолатыгар oстуол тенниһигэр кытаанах киирсиилээх күрэхтэһии түмүктэннэ!
Маалыкай oскуолатыгар oстуол тенниһигэр кытаанах киирсиилээх күрэхтэһии түмүктэннэ! Күндү үөрэнээччилэр, учууталлар, спорду сэргээччилэр! Бүгүн остуол тенниһигэр сүрдээх күүрүүлээх уонна кэрэхсэбиллээх күрэх буолан ааста. Оҕолорбут чэпчэки мээчиги сүүрэн-көтөн, түргэнник сыыйан,бэйэлэрин дьоҕурдарын уонна бэлэмнэрин толору көрдөрдүлэр. Түргэн хамсаныылар, сытыы ырытан быһаарыылар, таба охсуулар көрөөччүлэри астыннардылар. Уопсайа 20 остуол мээчигэр интэриэстээх уол күрэххэ күөн көрүстэ. Улахан бөлөххө 12, орто бөлөххө 8 оҕо мээчиги эт-хаан өттүнэн да, өй өттүнэн да күрэхтэһиннэрдэ. Күрэх түмүгүнэн бастыҥнарбыт ааттара билиннэ: 7-8 кылаастарга: 🥇 1 миэстэни – Сортолов Оскар (7 "б" кылаас) чиэстээхтик ылан, бастыҥ оонньооччу буоларын дакаастаата! 🥈 2 миэстэни – Макаров Эрхан (7 "б" кылаас) хорсуннук сүүйэн, үрдүк таһымын көрдөрдө! 🥉 3 миэстэни – Львов Дамир (8 "б" кылаас) дьаныардаах оонньуутун иһин ылла! 9-11 кылаастарга: 🥇 1 миэстэни – Дмитриев Алексей (11-с кылаас) уопут мунньуммут оонньуутунан ылан, кыайыы үөрүүтүн биллэ! 🥈 2 миэстэни – Иванов Саша (11-с кылаас) эмиэ бэйэтин уустук хамсаныыларынан иккис миэстэҕэ тигистэ! 🥉 3 миэстэни – Макаров Дархан (9-с кылаас) саҥа таһымҥа тахсыбытын көрдөрөн, үһүс миэстэҕэ тигистэ! Бары кыайыылаахтарбытын уонна кыттыбыт уолаттарбытын ис сүрэхтэн эҕэрдэлиибит! Остуол тенниһэ – бу түргэн реакцияны, сымсаны уонна толкуйдааһыны сайыннарар олус туһалаах спорт көрүҥэ. Оҕолорбут инникитин да спортка көхтөөхтүк кыттан, доруобуйаларын бөҕөргөтөн, саҥа чыпчааллары дабайа турдуннар! Спорду таптыаҕыҥ, чөл олоҕу тутуһуоҕуҥ!