БИЛЛЭРИИ! — 22 апреля 2026 г. в 09:45:54.631
БИЛЛЭРИИ! Убаастабыллаах Хоро нэһилиэгин, улууспут уонна Өрөспүүбүлүкэбит олохтоохторо! Бастатан туран, бука бары кыралыын-улаханныын бу көрдөһүүбүтүн болҕойон ааҕыаххыт диэн ис сүрэхпититтэн эрэнэбит. 🤗 Быйыл 2026 сылга биһиги нэһилиэкпит аан бастакытын "Формирование комфортной городской среды" диэн федеральнай бырагырааммаҕа кыттыыны ылан эрэрбитин иһитиннэрэбит. Бу бырагырааммаҕа икки бырайыагы киллэрдибит: 1. В.А. Протодьяконов-Кулантай аатынан мини-парк. 2. Ыһыахтыыр сирбит күрүөтүн-хаһаатын, атыы-эргиэн ларектарын ситэрэн оҥоруу. Бу бырайыактартан бастакы бырайыагы (мини-парканы) талыҥ диэн бука барыгытын ыҥырабыт! 🙌🏻 Эһиил, 2027 сылга, биһиги нэһилиэкпит киэн туттар киһитэ, биллэр государственнай, политическай уонна общественнай деятель, бөдөҥ драматург, суруйааччы Василий Андреевич Протодьяконов-Кулантай 115 сааһын бэлиэтээри сылдьабыт. Бу мини-паркаҕа кини бюһа, анал сырдатар уоттаах остуолбалар, көҕөрдүү (мастар), сынньанар сирдэр (олорор сирдэр, хаачыаллар), оҕолор оонньуур площадкалара уонна уулусса тренажердара баар буолуохтара. Бу бырайыакпыт кыайарын туһугар бука бары биир киһи курдук "Госуслуги" сыһыарыы нөҥүө куоласпытын биэрэрбит ирдэнэр. • Куоластааһын болдьоҕо: муус устар 21 күнүттэн бэс ыйын 12 күнүгэр диэри. Бу куоластааһыҥҥа нэһилиэкпитигэр эрэ олорор дьон буолбакка, Саха сирин хайа баҕарар муннугар олорор, пропискалаах хас биирдии киһи (14 саастарыттан үөһээ саастаах дьон) куолас биэрэр кыахтаах. Түгэнинэн туһанан бу бырайыак кыайарын туһугар, нэһилиэкпитигэр тупсаҕай тутуу ыытылларыгар хас биирдиибит эппиэтинэс ылынан, күүскэ үлэлэһиэххэйин диэн көрдөһөбүт. 🙌🏻 Аймахтаргытыгар, доҕотторгутугар бука баһаалыста кэпсээн, бу көрдөһүүбүтүн тарҕатыҥ, элбэх куолаһы ылары ситиһиэххэ! 💪🏼 Бу сигэнэн киирэн куоластаан: https://pos.gosuslugi.ru/lkp/fkgs/21211/168256/ Кыайан куоластаабат ("Госуслуги" сыһыарыытын сатаабат) дьон Хоро нэһилиэгин олохтоох дьаһалтатын үлэһиттэригэр 89644185360 - Евдокия Юрьевнаҕа эбэтэр 89679277477 - Римма Васильевнаҕа биллэрэргитигэр. Убаастабылы кытта Хоро нэһилиэгин дьаһалтата.