🏃 Салгыы Балаҕаннаахха 21 киһи отчуоттуур мунньахха кыттыыны ылла. — 21 января 2026 г. в 13:56:15.752
🏃 Салгыы Балаҕаннаахха 21 киһи отчуоттуур мунньахха кыттыыны ылла. Манна суотабай сибээс боппуруоһа тыын боппуруоһунан турда. Суотабай сибээс ханнык да оператора суох. Улуус дьаһалтата бу боппуруоһу туоратыыга үлэни үөрэтэн көрүүгэ ылынна. Итиэннэ бөһүөлэги уотунан хааччыйар трансформатор туруга эргэрбитин эттилэр. Бу боппуруоска быйылгы сылга трансформаторы өрө тардыы үлэтэ ыытыллыахтааҕын туһунан Бороҕоннооҕу РЭС сүрүн инженера Ариан Гоголев эттэ. Балаҕаннаахха миэстэтигэр фельдшер тоҕо суоҕун туоһуластылар, манна Дьокуускайдааҕы медицина колледжын Уус Алданнааҕы филиалын быйыл 16 устудьуон бүтэриэхтээх, ол иһиттэн 3 выпускник Курбуһах нэһилиэгэр ананан кэлиэхтээхтэрин, олор истэриттэн Балаҕаннаахха эмиэ миэстэтигэр фельдшер кэлэн үлэлиэхтээҕин туһунан иһитиннэрдилэр. Бөһүөлэккэ араас тэрээһиннэр ыытылланнар, сэргэхсийии тахсыаҕын мустар сир суоҕа атахтыырын этэн туран, балаҕан тутарга көмө оҥороллоругар санааларын эттилэр. Итиэннэ тыа хаһаайыстыбатын, үөрэх, култуура эйгэлэригэр долгутар ыйытыктарыгар хоруйдары ыллылар. Түмүккэ Балаҕаннаах бөһүөлэгин олохтоохторо үлэҕэ-хамнаска бииргэ түмсэн үлэлииргэ бэлэмнэрин биллэрэн туран, улуус үлэтин "Үчүгэйинэн" сыаналаатылар. Улуус дьаһалтатын пресс-сулууспата.