РФ үөрэҕириитин туйгуна, тыыл ветерана, Мэҥэ-Алдан нэһилиэгин бочуоттаах олохтооҕо, "Ү...
РФ үөрэҕириитин туйгуна, тыыл ветерана, Мэҥэ-Алдан нэһилиэгин бочуоттаах олохтооҕо, "Үтүөлэрин билинии" бэлиэ хаһаайына, кыраайы үөрэтээччи Давид Афанасьевич Томтосов 95 сааһыгар оло5уран Норуот Суруйааччыта Е. П. Неймохов аатынан литературнай-краеведческай түмэлэ тупса5ай буочарга күрэх ыытта. Түмүккэ, "Тупсаҕай буочар" күрэх кыайыылааҕынан орто оскуола учуутала Захарова Татьяна Прокопьевна уонна "Саамай майгынныыр буочар" анал ааты Николаев Прокопий Алексеевич тахсаннар, Мэҥэ Алдан орто оскуолатын Давид Афанасьевич салайбыт 78 выпуск оҕолорун аатыттан анал бириистэри туттулар. Давид Афанасьевич төрөппүт оҕолорун ааттарыттан анал бириис оҕолор икки ардыларыгар кыайыылаахха 5 кылаас үөрэнээччитигэр Юлия Колодезниковаҕа туттарылынна. Бары кыттыылаахтарга туоһу сурук уонна түмэл аатыттан сэмэй бэлэхтэр туттарылыннылар.