Улурген айдын 20-чи кунинде Мондур-Сокконнын И. В. Шодоевтин адыла адалган орто уредулу...
Улурген айдын 20-чи кунинде Мондур-Сокконнын И. В. Шодоевтин адыла адалган орто уредулу школдо суреен jилбилу ле солун, аймак кеминде jаан учурлу байрам отти. Алтай тилдин байрамына учурлай школдын омолигинин баштанкайыла ады jарлу бичиичи, чорчокчи jерлежистин, Танытпас Николаевна Акулованын адыла алтай тилдин ле литературанын кыбы кодуринилу айалгада ачылды. Танытпас Николаевнанын jайаандык jолы суреен байлык ла терен деп, jуулган айылчылар темдектеп, уткуулду jылу состорин школдын башкараачызына Байару Эзеновнага, алтай тилдин уредучизине Наталья Кучалаевнага, уредучилерге jурттын башчызы Елена Сергеевна Каштаева, аймактын башчызынын ордынчызы Артур Семенович Сабин ле онон до оско айылчылар айдыштылар. Анайда ок байрамга " Танытпас эjебистин чорчоктори -сценада" деп кору-маргаан аймактын школдоры ортодо отти. Бу кору-маргаанда аймак ичинин 6 школынын омоликтери туруштылар. 3 jерди Кайсыннын орто текши уредулу школынын "Аргымак" деп омолиги "Солонынын табылганы" деп ойыныла, Козул jурттын орто уредулу школынын "Куреелей" деп омолиги "Эки адару" деп ойын-коргузузиле алдылар. 2 jерди Келей jурттын баштамы уредулу школынын "Туштажу" деп омолиги "Чычкан ла Тоо" деп коргузу-ойыныла, Мондур-Сокконнын орто уредулу школынын "Чарас" деп омолиги "Чар ас" деп коргузузиле чыктылар. Эн артын ойын коргузеечилер деп 1 jерле кайралдаткан Кырлыктын орто уредулу школынын "Jаш корболор" деп омолиги. Мондур-Сокконнын садынын оогош болчомдоры суреен jилбилу "Эки адару" деп ойынын коргустилер. Балдар алтай торол тилин бийик кеминде апарып jатканын угарга да, корорго до оморкодулу болды. Мондур-Сокконнын школынын омолигине, башкараачызы Байару Эзеновнага, алтай тилдин уредучизине Наталья Кучалаевнага, школдын библиотекари Наталья Макаровнага, Танытпас эjебистин эш-нокори Максим Макаровичке, балдарына ла jурттын эл-jонына jаан быйанысты jетиредис. #Алтайтилдинкуни #Деньалтайскогоязыка