ММ

МБОУ "Момская начальная общеобразовательная школа"

Школы и вузы · 24 февраля 2026 г.

Открыть канал в MAX

📚 *Ийэ тыл илгэтэ*

📚 *Ийэ тыл илгэтэ* Олунньу 21 күнэ -аан дойдутааҕы тыл күнэ. Бу анал күн 2000 сылтан бэлиэтэнэр. Сир үрдүгэр 7 тыһыынча араас омук тыла баар. Аан дойдутааҕы тыл күнүн чэрчитинэн бүгүн Муома алын сүһүөх оскуолатыгар оскуола музейын иһинэн саха тылыгар аналлаах: "Ийэ тыл илгэтэ, төрүт тыл төлкөтө" диэн тэрээһини оройуоннааҕы кииннэммит библиотека үлэһиттэрэ Терехова Мотрена Дмитриевна, Сюльская Юлия Августовна 3 "а" уонна 4 "а" кылаастарга ыыттылар. Манна хамаанданан икки бөлөххө арахсан тыл күрэҕэ буолла. Бастакы бөлөх "Сахалар" - 12 оҕо, иккис бөлөх "Күн" - 13 оҕолоох. Таайбараҥнары маннык тиэмэнэн таайдылар: 1- Бу кимий? Суруйааччы аата суола. 2- Нууччалыыттан сахалыы тылбаас. 3- Ребустары таайыы. 4- Таабырыннары таайыы. 5- Булт тэрилэ (аата)., сахалыы киэргэл (аата). Түмүккэ "Сахалар" 17 баалы ылан бастаатылар. "Күн" хамаанда 8 баалы ылла. Бастаабыттарга сахалыы бэргэн этиилэрдээх кинигэ иһигэр угуллар кыбытык туттарылынна. Түмүккэ сахалыы сиэринэн кэмпиэтинэн айах минньитиитэ буолла. Сахабыт тылын билиэҕиҥ, сайыннарыаҕыҥ! Тыла суох - омук суох. ✍️ Слепцова Антонина Яковлевна. @indigir_uottara