🔷Бүгүн Чурапчы улууһугар VI-с төгүлүн ыытыллар Олоҥхо ыһыаҕа Мугудай нэһилиэгэр, маан... — 14 июня 2026 г. в 13:28:52.623
🔷Бүгүн Чурапчы улууһугар VI-с төгүлүн ыытыллар Олоҥхо ыһыаҕа Мугудай нэһилиэгэр, маанылаах Маралаайы сиригэр "Олоҥхоһут, ырыаһыт П.М.Терютина-Ырыа Ымыычаан үрдүк аатыгар сүгүрүйэн" ыытылынна. Айылҕабыт анаабыт курдук үтүө күнү бэлэхтээн, тоҕуоруһа мустубут дьон-сэргэ астыннылар. Ыһыахха улууспут аҕа баһылыга Степан Саргыдаев, дьокутааттар сэбиэттэрин бэрэссэдээтэлэ Яков Оконешников, нэһилиэк баһылыга Николай Аммосов, Дьокуускайтан, Чурапчыттан ыҥырыылаах ыалдьыттар кыттыыны ыллылар. Пелагея Михайловна Терютина-Ырыа Ымыычаан утумнара Усуйаанаттан, Нерюнгриттан, Тулагыттан, Дьокуускайтан, Хатастан уо.д.а. өрөспүүбүлүкэ араас муннугуттан халыҥ аймах парааттаан киирдилэр. Ыһыах сүрүн режиссёра Иван Бушков туруоруутунан ыһыах аһыллыыта үрдүк таһымҥа ааста. Күөн күрэс, кэнсиэр, оонньуу, күрэх арааһа ыытыллан дьону түмэ тарта👏 Сиһилии видеоҕа көрүҥ👉 https://vkvideo.ru/video-210932099_456240696?list=be64fcc6bc5d0a1220 @sanaoloh @ulusmedia