https://max.ru/c/-69311972376799/AaDoHWobE0k

https://max.ru/c/-69311972376799/AaDoHWobE0k Бүгүн балаҕан ыйын 28 күнүгэр И.И.Гоголев-Дыргыабай аатынан Найахы орто оскуолатыгар Уус-Алдан улууһун Үөрэҕин управлениета Дүпсүн, Бээди, Чэриктэй, Найахы, Өспөх кустовой методическай холбоһуктарын түмэн, " Үөрэхтээһин хаачыстыбата: сайдыыга тосхол" (" Качество образования: курс на развитие") методическай күнү тэрийэн ыытта. Үөрүүлээх чааска Саха сирин Судаарыстыбаннаһын күнүгэр болҕомто ууруллунна. Российскай Федерация, Саха Өрөспүүбүлүкэтин, Уус-Алдан улууһун, Найахы нэhилиэгин, Найахы орто оскуолатын былаахтарын марштаан киллэрэн, өрөгөй ырыаларын, " Киэн туттар Уус Алданым" ырыаны оскуола оҕолорун хорун доҕуһуолунан толоруу - тэрээһини ураты долгутуулаах тыыннаата, дойдуну таптыырга, дойдуга бэриниилээх буолууга, дойдунан киэн туттууга ыҥырда, угуйда. Э5эрдэ тылы тиэртилэр: оскуола дириэктэрэ Васильев А.В., Найахы нэһилиэгин баһылыгын солбуйааччы Федоров Е.В., Үөрэх управлениетын начальнигын солбуйааччы Пухов М.П. Билиҥҥи кэмҥэ көҥүл олохпутун күөмчүлүүртэн көмүскээн, Анал байыаннай дьайыы буола турарын хас биирдиибит умнубат. Эйэлээх олох иһин туруулаһа сылдьар буойуннарбытын санаан, Алексан Пестерев "Төннөөрүҥ боотурдар" ырыаны толоруутун көрөөччүлэр ытыс тыаһынан доҕуһуоллаатылар. Пухов М.П. салайааччылаах методическай десаны тэрийэн  ыытааччылар: Ушницкая А.И., Громова С.М., Олесова И.П., Сивцева И.П., Ефимова-Ушницкая Е.П., Шубина А.К., Стрекаловская М.М., Слепцова А.К., Сивцева Л.И., Бережнова А.В. - о5олору, төрөппүттэри, учууталлары, иитээччилэри, салайааччылары түмэн, эксээмэннэри хаачыстыба5а туттарыы туһунан сүбэлэстилэр, "Инникилэр хамсааһыннара" о5о тэрилтэтин үлэтин ырытыстылар, о5ону иитии ураты уйул5атын билиигэ, куһаҕан дьайыыттан харыстыырга сүбэлээтилэр; араас көрүҥнээх үлэнэн: кылаас чаастарынан, төрөппүт чаастарынан, форсайт-сессияларынан, биирдиилээн консультацияларынан, семинардарынан, бырайыактарынан истээччилэр болҕомтолорун тартылар. Күн иккис аҥарыгар И.И. Артамонов аатынан Найахы сынньалаҥ киинигэр методическай күн тиэмэтинэн педсовет ыытылынна. Педсовекка 2026-2027 үө.дь. соруктара, үөрэх хаачыстыбатын тупсарыы ирдэбиллэрэ, учуутал аттестацияны ааһыытын бэрээдэгэ, наҕараадалааһын култууратын нөҥүө учууталы үлэ5э көҕүлээһин, иитэр үлэни тэрийии, инклюзивнай үөрэхтээһин тиэмэлэригэр ырытыылаах дакылааттары иһитиннэрдилэр. Педсовет түмүгэр этиилэр, тэрээһин үлэтин сыаналааһын, уурааҕы ылыныы буолла. Методическай күн, интэриэһинэйдик, туһалаахтык ааһан, кыттаачылар сэҥээриилэрин ылла. Кэлэн иһэр Учуутал күнүнэн хардарыта э5эрдэлэҺэн, методическай күн түһүлгэтиттэн са5ыллыбыт санаалары үүммүт үөрэх дьылыгар олоххо киллэриэхпит диэн эрэллээх үөрэн-көтөн тарҕастыбыт.