«Олоҥхо оҕо хараҕынан» – Үтүө үгэс салгыы сайдар! ✨📖 — 24 апреля 2026 г. в 14:16:09.334
«Олоҥхо оҕо хараҕынан» – Үтүө үгэс салгыы сайдар! ✨📖 Муус устар 23 күнүгэр Мэҥэ-Хаҥалас улууһун «Кэрэли» оҕону эбии үөрэхтээһин киинигэр ураты суолталаах түгэн буолан ааста. Манна «Олоҥхо мин тулабар» диэн өйтөн суруйуу хомуурунньугун сүрэхтэниитигэр анаммыт пресс-конференция үөрүүлээх быһыыга-майгыга ыытылынна. Бу кэрэхсэбиллээх хомуурунньукка 2017 сылтан 2025 сылга диэри Мэҥэ-Хаҥалас улууһугар оҕолорго анаан ыытыллыбыт «Олоҥхо мин тулабар» өйтөн суруйуу күрэҕин кыайыылаахтарын бастыҥ үлэлэрэ киирдилэр. Ону таһынан, «Олоҥхо оҕо хараҕынан» улуустааҕы уруһуй күрэҕин лауреаттарын олус кэрэ ойууларынан киэргэтиллэн, брошюра өссө да тыыннаах, дьикти буолбут. 🖼️ Тэрээһиҥҥэ Г.Г. Колесов аатынан оройуоннааҕы “Олоҥхо Дьиэтэ” норуот айымньытын киинин салайааччыта Васильева Айта Семеновна, уөрэх управлениеиын информационнай методическай отделын специалиһа Дмитриева Татьяна Михайловна, уонна саха тылын учууталлара Слободчикова Тамара Егоровна уонна Старостина Ольга Петровна кыттыыны ылан, брошюра суолтатын, оҕолор сайдыыларыгар суолтатын бэлиэтээтилэр. Пресс-конференцияҕа Табаҕа, Чүүйэ, Россолода, Бэстээх, Майа оскуолаларыттан уопсайа 30 оҕо кэлэн кыттыыны ылла. Ол иһигэр биһиги оскуолабыттан дьоһуннаах кыттыыны ыллылар: Дмитриева Күннэй (8б), Гоголев Алмас (8б), Михайлова Айсена (6б). Ону сэргэ «Кэрэли» киин 4 медиа студиятын үөрэнээччилэрэ, олоҥхону сэҥээрэр оҕолорго тустаах ыйытыылары биэрэн, кинилэр санааларын иһиттилэр. Бу тэрээһиҥҥэ биһиги оскуолабыт медиа киинин оҕолоро Игнатьева Айыллаана (8б) уонна Сивцева Айжан (6б) активнайдык кытыннылар. 🎙️ Педагогтар оҕолор тылларын-өстөрүн сайыннарар, өйдөрүн-санааларын тургутар, олоҥхоҕо интэриэстэрин көҕүлүүр сыаллаах маннык тэрээһини ыыппыттара олус үөрдэр. Брошюра сүрэхтэниитэ оҕолор сахалыы саҥара үөрэнэллэригэр, бэйэлэрин санааларын сааһылаан, аһаҕастык этиилэригэр улахан көмө буолар диэн кэлбит ыалдьыттар бары бэлиэтээтилэр. Пресс-конференция олус интэриэһинэйдик ааста уонна олоҥхону өрө тутууга, кэлэр көлүөнэҕэ тиэрдиигэ улахан хардыыны оҥордо. ✨