Оскуола оҕолоругар уонна эдэр ыччакка аналлаах кэтэхтэн ыытыллар айар үлэ куонкуруһун — 24 февраля 2026 г. в 00:30:23.914
Оскуола оҕолоругар уонна эдэр ыччакка аналлаах кэтэхтэн ыытыллар айар үлэ куонкуруһун БАЛАҺЫАННЬАТА М.К.Аммосов аатынан ХИФУ «Саха литературатын» кафедрата айар үлэ куонкуруһун ыытар. 📚📚📚📚📚📚📚📚📚 1. Куонкурус сыала, соруга: 1.1. Талааннаах, айар дьоҕурдаах ыччаты булуу; 1.2. Эдэр ыччат айар дьоҕурун сайыннарыы, билиитин хаҥатыы. 2. Тэрийэр бөлөх: 2.1. М.К.Аммосов аатынан ХИФУ «Саха литературатын» кафедрата үлэлэри хомуйар уонна куонкуруһу тэрийэн ыытар. 3. Куонкурус кыттааччылара: 3.1. Куонкуруска 10-11 кылаас үөрэнээччилэрэ, орто анал үөрэх кыһатын устудьуоннара кыттыахтарын сөп. ⚜⚜⚜⚜⚜⚜⚜⚜⚜ 4. Куонкурус күнүн-дьылын болдьоҕо: 4.1. Куонкурус 2026 с. олунньу 2 күнүттэн саҕаланар. 4.2. Куонкуруска айар үлэни тутуу бүтэһик күнэ – кулун тутар 7 күнэ. 4.3. Куонкурус түмүгэ М.К.Аммосов аатынан ХИФУ «Саха литературатын» кафедратын телеграм сирэйигэр 2026 с. кулун тутар 16 күнүгэр тахсар. ⚜⚜⚜⚜⚜⚜⚜⚜⚜ 5. Куонкурус хайысхалара Айар үлэ икки чаастан турар: • 1️⃣чааһа (литературнай) – оҕо талбыт көрүҥэр хоһоон эбэтэр кэпсээн, пьеса суруйар. • 2️⃣ чааһа (айар үлэ) – талбыт тиэмэҕитигэр эссе эбэтэр өйтөн суруйуу. ✅1. Төрөөбүт төрүт тыл суолтата; ✅2. Алампа уонна билиҥҥи кэм; ✅3. Мин сөбүлүүр суруйааччым; ✅4. Дьиҥнээх доҕор диэн кимий? 📚📚📚📚📚📚📚📚📚 6. Куонкуруска киирбит үлэни сыаналыыр критерийдэр: 6.1. Үлэ ис хоһооно, уус-уран таһыма, бэйэ толкуйа; 6.2. Куонкурус тиэмэтигэр сөп түбэһиитэ; 6.3. Уус-уран айымньы таһымыгар төһө эппиэттиирэ; 6.4. Матырыйаалы арыйыы сонуна, оригинальнайа, хатыламмат буолуута; 6.5. Айымньылаах сыһыан; 6.6. Куонкурус 3.1. пуунугар төһө эппиэттиирэ. ⚜⚜⚜⚜⚜⚜⚜⚜⚜ 7. Докумуон толоруутугар ирдэбиллэр: 7.1. Үлэ sakhaliterkonkurs@mail.ru электроннай аадырыска ыытыллар; 7.2. Туох баар файл үлэ ааптарын араспаанньатынан ааттанар; 7.3. Куонкуруска киирбит үлэҕэ рецензия суруллубат; 7.4. Куонкуруска киирбит матырыйаал ааптар бэйэтин үлэтэ буолуохтаах, устан ылыы көҥүллэммэт. 7.5. Үлэ электроннай көрүҥэ эрэ көрүллэр; 7.6. Үлэ уопсай матырыйаалыгар сайаапка форматын толоруллар (үлэ ааптарын толору аата, үөрэнэр сирэ, үлэтин аата, салайааччы толору аата-суола). 📌📌📌Сайаапканы туспа файлынан Microsoft Word бэчээттээн ыытаҕыт. ⚜⚜⚜⚜⚜⚜⚜⚜⚜ 8. Куонкурус түмүгүн таһаарыы: 8.1. Куонкурус түмүгүн таһаарыы – 2026 с. кулун тутар 16 күнэ; 8.2. Кыайыылаахтар 1, 2, 3 истиэпэннээх дипломнарынан уонна өйдөбүнньүк бэлэҕинэн наҕараадаланыахтара уонна бары кыттааччыга туоһу сурук бэриллэр, кыайыылаахтар салайааччылара махтал сурук ылаллар; 8.3. Диплом, сертификат уонна махтал сурук электроннай көрүҥүнэн үлэ киирбит электроннай аадырыһыгар ыытыллар. ⚜⚜⚜⚜⚜⚜⚜⚜⚜ 9. Биһирэбил 9.1. 1, 2, 3 истиэпэннээх дипломнарынан наҕараадаламмыттар уонна куонкурус бары кыттааччылара 2026-2027 сс. үөрэх дьылыгар Хотугулуу-Илиҥҥи норуоттар тылларын уонна культураларын үөрэтэр институт «Литературное творчество» үөрэҕэр туттарсар түгэннэригэр, эбии баал ылыахтарын сөп. 📌 I истиэпэннээх дипломнарынан наҕараадаламмыттар – 5 баал; 📌 II уонна III истиэпэннээх дипломнаахтар – 3 баал; 📌 биһирэбилгэ тиксибиттэр – 1 баал. ⚜⚜⚜⚜⚜⚜⚜⚜⚜ Үлэни sakhaliterkonkurs@mail.ru электроннай аадырыска ыытаргытын күүтэбит🙌🏻 Билсэр нүөмэргит - 8-4112-496749, ☎сот. 89141019858.