МБОУ "Окоемовская основная общеобразовательная школа имени И.В.Пухова"
Образование · 6 сентября 2026 г.
Үөрэх дьыла “Айан уруогунан” саҕаланна — 6 сентября 2026 г. в 01:18:58.265
Үөрэх дьыла “Айан уруогунан” саҕаланна Окоемовка сүрүн оскуолатыгар сылын аайы үөрэх дьыла аһылыннар эрэ бастакы тэрээһининэн “Айан уруок” диэн экспедиция тэриллэр. Маны көҕүлээччинэн, тэрийээччинэн история учуутала Геннадий Пестряков буолар. Быйылгы экспедиция балаҕан ыйын 3-4 күннэригэр Окоемовка – Күөттүк – Оҕонньор Алааһа – Окоемовка хайысханан ыытылынна. Экспедицияҕа 2 учуутал, 7 оҕо сырыттылар. Айан сыалын туһунан Геннадий Дмитриевич маннык этэр: “Оҕо төрөөбүт нэһилиэгин уруккутун билэр буоллаҕына, дойдутун историятыгар сыһыаннаах курдук сананан ону таптыы, ытыктыы улаатар”. Быйылгы “Айан уруок” уопсастыбаннай, бэлитиичэскэй үлэһит, 1938 с К.А.Тимирязев аатынан Москватааҕы тыа хаһаайыстыбатын академиятын бүтэрбит, 1952 – 1956 с.с. ССКП Уус Алданнаҕы кэмитиэтин I сэкирэтээринэн үлэлээбит, Саха АССР III-IV ыҥырыылаах (1948-1959 с.с.) Үрдүкү Сэбиэтин бэрэссэдээтэлэ, РСФСР, САССР үтүөлээх зоотехнига А.Р.Аммосоваҕа уонна милитаристкай Японияны кыайыы уонна аан дойду иккис сэриитэ түмүктэммит күнүгэр ананна.Ол иһин айан Албан аат сквериттэн саҕаланна.Манна оҕолор сэрии кыттыылаахтарын уонна Анастасия Романовна туһунан билистилэр. Салгыы сатыы айаннааннар Күөттүккэ тиийэн манна сайылаан олорор Анастасия Романовна аймахтарын көрсөн кини оҕо сааһын, үлэтин-хамнаһын туһунан кэпсииллэрин иһиттилэр. Сынньанан сэниэ киллэринэн баран Оҕонньор Алааһыгар тиийэн Молотов аатынан холкуостан барбыт Аҕа дойду сэриитин кыттыылаахтарыгар аналлаах пааматынньыкка уонна Кыайыы 80 сылыгар анаан туруоруллубут сэргэҕэ сүгүрүйлүлэр. Ону тэҥэ холкуос историятын туһунан Геннадий Дмитриевич кэпсээнин иһиттилэр. Ити курдук икки күннээх сырыыга оҕолор төрөөбүт нэһилиэктэрин, биллиилээх биир дойдулаахтарын туһунан элбэҕи билэн кэллилэр. ✍️Афанасий Сектяев 📲Мах-каналбытыгар сурут ⬇️ https://max.ru/channel_ua_murusahargata 🌐 https://мюрюгазета.рф/ ✅ @uamurusahargata @ulusmedia