📖📚 Ыам ыйын 15 күнүгэр үгэскэ кубулуйбут оскуола иһинэн ыытыллар "Ааҕар ыал" күрэх б... — 16 мая 2026 г. в 11:03:46.907
📖📚 Ыам ыйын 15 күнүгэр үгэскэ кубулуйбут оскуола иһинэн ыытыллар "Ааҕар ыал" күрэх буолан ааста. Быйылгы күрэх Саха Өрөспүүбүлүкэтигэр култура сылыгар, биир дойдулаахпыт саха народнай суруйааччыта Павел Николаевич Харитонов – Ойуку 85 сааһыгар ананна. Күрэх сыалынан оҕону, дьиэ кэргэни сахалыы ааҕыыга угуйуу, интэриэһи тардыы, улууспут киэн туттар, биллэр дьоннорун айар үлэлэрин, олохторун кытта билсии. Барыта сэттэ ыал алын сүһүөхтэн кыттыыны ыллылар. 📚 📖 Күрэх түһүмэхтэрэ: 1) Дьиэҕэ үлэ: “Бурҕаллай” остуоруйаттан дорҕоонноохтук ааҕыы (оҕо уонна төрөппүт быһа тардан дорҕоонноохтук ааҕаллар) 2) Остуоруйа ис хоһоонун төһө билэҕин? Биктэриинэ 3)Тыл оонньуута (остуоруйаттан тыллар суолталарын быһаарыы) 4) Кини кимий? (культура сылыгар аналлаах түһүмэх. Хаҥалас улууһуттан төрүттээх культураҕа биллэр өҥөлөөх, сыһыаннаах дьоммут мэтириэттэринэн ааттарын, үлэлэрин-хамнастарын ааттааҥ) 📍Түмүк: 🥇1 миэстэ - Айсаана Нестерова эбэтинээн Людмила Ивановналыын (2 а) 🥈2 миэстэ - Алгыс Варламов ийэтинээн Фекла Романовналыын (1 а) 🥉3 миэстэ - Доллун Хатылыков ийэтинээн Наталья Николаевналыын. (3б) 💝 Бары көхтөөхтүк кыттыбыт дьиэ кэргэттэрбитигэр, дьүүллүүр сүбэҕэ үлэлэспит биир идэлээхтэрбэр махтанабын. Төрөөбүт ийэ тылгытын үөрэтиҥ, сахалыы саҥарыҥ, элбэҕи ааҕыҥ! Тэрийээччи оскуола педагог-бибилэтиэкэрэ Сардаана Алексеевна #МБОУПокровскаяСОШ1сУИОПимИМЯковлева #Хангаласскийулус #ГодКультурывРСЯ #МеждународныйДеньСемьи #ЧитающаяСемья #СахаТыла #ОйукунуАаҕабыт #СемейноеЧтение #ШкольнаяБиблиотека