МБОУ "Покровская СОШ №1 с УИОП им. И.М. Яковлева"
Образование · 1 сентября 2026 г.
Билии күнүнэн!
Билии күнүнэн! 📚🔔🍃🍂 🌸Оскуолабытыгар саҥа үөрэх дьыла саҕаланна. Бүгүн, балаҕан ыйын 1 күнүгэр, оскуолабыт тиэргэнэ оҕо чугдаархай куолаһынан, учууталлар, ыалдьыттар алгыстаах тылларынан туолла. 🌸Күүтүүлээх Билии күнүн олус долгуйан, үөрэн-көтөн туран бэлиэтээтибит. ✨✨✨ 🌸Тэрээһини оскуолабыт маҥнайгы уонна уон биирис кылаастара салайааччыларын кытары хааман арыйдылар. 🌸Эҕэрдэ тылларын эттилэр: дириэктэр Спиридон Шишигин, улуус дьаһалтатын аатыттан Александра Филиппова уонна улуустааҕы үөрэҕирии салалтатыттан Лилия Петрова. 🌸Быйыл физико-математическай хайысхалаах кылаастар арыллыбыттара 60 үбүлүөйдээх бэлиэ сыллара. Ол чэрчитинэн 1981 сыллаах выпускница Арианда Ефимова кыттыыны ылла, эҕэрдэлээтэ. 🌸Үөрүүлээх быһыыга-майгыга оскуола 11 "а" кылааһын үөрэнээччитигэр Гаврильева Амелияҕа Хаҥалас улууһун Баһылыга С. Г. Гребнев Бочуотунай грамотата сайын баһаатайынан ситиһиилээхтик үлэлээбитин иһин туттарылынна. 🌸Бу үөрэх сылыгар саҥа учууталларбытын билиһиннэрдибит, ол курдук, логопед -педагог Елизавета Протодьяконова, ОБЗР учуутала Михаил Сотников, физкультура учуутала Владимир Ноговицын. 🌸 Бэйэлэрин ырыаларын бар дьоҥҥо "Мозаика", "Родник" бөлөхтөр бэлэхтээтилэр, хомуска оонньоон толордо Сайаана Еремеева. Кырачааннар хоһоон ааҕан мустубут дьону долгуттулар. 🌸Выпускниктар бастакы кылаастарга өйдөбүнньүк сөмөлүөттэрин туттардылар — бу үтүө үгэс инники көлүөнэ ситимин көрдөрдө. 🌸🔔Бастыҥ үөрэнээччилэрбит маҥнайгы кылаастары кытта сиэттиһэн хааман алтан чуорааннары лыҥкынаттылар. ✨✨✨ Саҥа үөрэх дьыла саҕаланна! Үөрэнээччилэргэ туйгун үөрэҕи, учууталларга айымньылаах үлэни баҕарабыт, төрөппүттэргэ ситиһиилэри. #МБОУПокровскаяСОШ1сУИОПимИМЯковлева #ДеньЗнаний #БилииКүнэ #ЗдравствуйШкола