Сайылык күнэ🌿🌿🌿 — 26 мая 2026 г. в 23:30:20.610
Сайылык күнэ🌿🌿🌿 Саха киһитэ сүргэтэ көтөҕүллэр, санаата иэйэр, үөрэр-көтөр, унньуктаах уһун кыһын кэнниттэн кырыа хаары санныттан хаһыйан,сылааска, күөххэ үктэнэр кэтэһиилээх кэрэ кэмэ - Сайылык күнэ үүнэн оҕо аймаҕы, дьону-сэргэни, ыҥырыылаах ыалдьыттары үмүрүччү тардан "Үс хатыҥҥа" мунньан,торҕо буруону унаарытта. Маннык үтүө күнү кэлбит эрэ бары кэрэхсээн, көрбүт эрэ бары сэргээн, айылҕалыын алтыһан, алгыс маанытын иҥэринэннэ. Олохтоох дьаһалта ( аҕа баһылык Дмитрий Тимофеев) уонна нэһилиэк биир улахан тэрилтэтэ ( директор Пугачевв З Н) , КСЦ дириэктэр Охлопков Ф Н) салалталарынан бэлиэ күн үрдүк таһымнаахтык ааста. Дьоро күн күндү ылдьыттарынан Томпо оройуонун баһылыгын солбуйааччыта Назаренко О.В. үөрэх туйгуннарыгар : Сахастал ,Нарыйаана Сидоровтарга, Ларияна Мяринаҕа, Дьулуур Николаевка, Эсмиральда Булдаковаҕа, Чемчюнэ Охлопковаҕа хайҕал сурук уонна 2000 сертификат туттарда. Ону кытары 2025-2026 үөрэх дьылынан оҕолоро үрдүк көрдөрүүлээх, активнай дьиэ кэргттэргэ махтал сурук уонна бэлэх туттардп. Бу үөрэх дьылыгар "Бастыҥ дьиэ кэргэттэринэн" ааттаннылар: Пугачевтар, Фролкиннар, Павловтар дьиэ кэргэн. Маны тэҥэ оҕолору бүтүн арассыыйатааҕы чинчийэр үлэ конференциятыгар оҕолору бэлэмнээбит бастыҥ учууталларга махтал суругу туттарда. Улуус культураҕа салайааччыта бу сыл үбүлүөйдээх педагогар Ольга Охлопковаҕа уонна "Дайаана" ансамбль 35 сыллаах айар сылынан эҕэрдэ суругун туттарда. Оттон олохтоох оскуола дириэктэрэ "СаҺыл оскуолатые сайдыытыгар сүдү кылааттарын иһин бэлиэ туттарда. Кэлбит ыалдьыттары "Дайаана" үҥкүү , "Сандаара" ырыа, "Үнүгэсчээн" фольклррнай бөлөх эҕэрдэлээтилэр Үөрэх дьылын бастыҥ үөрэнээччилэригэр дириэктэр Зинаида Пугачева эҕэрдэ суругун урнна олохтоох оскуола салалтата , нэһилиэк бары тэрилтэлэрэ анаабыт харчынан бириэмийэлэрин туттарда. Нэһилиэк аҕам саастаах дьонугар анаан Валентина Мекюрдянова , Екатерина Никитина салалталарынан олохтоох оскуола коллектива , дьаһалта үлэһиттэрэ кус миинэ уонна сип-сибиэһэй собо ,алгыстаах алаадьыны сыпылаччы буһаран күндүлээтилэр. Остуолу иилээн-саҕалаан ыытта Акулина Николаева . Кэлбит эрэ дьон тото-хана аһаан, ирэ-хоро кэпсэтэн, ыллаан-туойан , өбүгэлэрбит ситимин быспакка илдьэ сылдьалларыттан астынан ис сүрэхпититтэн долгуйа үөрдүлэр. Дьоро күҥҥэ "Үрүҥ Уолан" бастыҥ , сымса уолу быһаарар күрэх ыытыллыннв, Күрэх спонсора КСЦ ( дириэктэр Охлоаков Ф Н), ону кытары олохтоох оскуола. Күрэххэ тоҕус бастыҥ уол кыттарын биллэрэн биэс түһүмэҕинэн күөн көрүстүлэр.. Хас биирдии түһүмэх түмүгүнэн бастыҥнарга туоһу сурук туттарыллынна. Ол курдуү, l түһүмэххэ "Талба Уолан" Алексан Булдаков, үс төгүл үс түһүмэххэ Айсен Заровняев, ох саанан ытыыга Георгий Горохов, тутум эргииригэр 25 эргийэн Долун Тарабукин, сүүрүүгэ Андриан Кокорин саамай үрдүк көрдөрүүлээхтэр. "ҮРҮҤ УОЛАН-2026" күрэх муҥуутуур кыайыылааҕынан Айсен Заровняев , ll м Андриан Кокорин ,lll Максим Павлов ааттаннылар. Уолаттар уу харчынан , оттон икки муҥуутуур кыайыылаах Айсен уонна Андриан Мария Берзюкова туруорбут мүһэтин ылан үөрүүлэрэ өссө үксээтэ. Кэрэ куоларга, амарах ийэлэргэ, эйэҕэс эбээлэргэ анаан "Саха сахатынан кэрэ" күрэх ыытыллынна. Күрэххэ түөрт хамаанда күөн көрүстэ. Күрэх кыайыылааҕынан Ньургуяна Булдакова салайааччылаах хамаанда таҕыста. Тэрээһиҥҥэ кэлбит ыалдьыттар оҕолорбут Ульяна Ефимова, Сардана Скрыбыкина салалталарынан ,кыһыны быһа тикпит, айбыт оҥоһуктарын быыстапкаларын сөҕө-махтайа көрдүлэр. Дьэ, бу курдук тэрээһиннээхтик Сайылык күнэ ааста. Олохтоох дьаһалта аҕа баһылыгар Дмитрий Тимофеевка, оскуола дириэктэригэр Зинаида Пугачеваҕа, КСЦ дириэктэригэр Федор Охлопковка, спортивнай күрэҕи үрдүк таһымнаахтык ыыппыт-бэлэмнээбит Татьяна Петроваҕа, Богдан Федоровка, Сергей Никитиҥҥэ, оҕолор талааннарын арыйар күндү дьоммутугар Ульяна Ефимоваҕа, Айалхаана Баайга, Ольга Охлопковаҕп, Олеся Шестаковаҕе, Сардана Скрыьыкинаҕа, остуолу иилээн-саҕалаан ыыппыт Акулина Николанваҕа, олохтоох дьаһалта , оскуола коллективыгар уонна бу тэрээһиҥҥэ кэлбит аҕам саастаах күндү дьоммутугар