⚜️ Чөл олох туһугар: Сарсыардааҥҥы сэргэх зарядка оскуолабытыгар!
⚜️ Чөл олох туһугар: Сарсыардааҥҥы сэргэх зарядка оскуолабытыгар! Ыам ыйын 19-20 күннэригэр сарсыарда 8:00 чаастан, биир кэлимсэ буолан, 1-11 кылаас үөрэнээччилэрэ, учууталларбыт уонна оскуола үлэһиттэрэ бары бииргэ сэргэх зарядкаҕа турдулар. Бу чөл олоххо угуйар тэрээһин дьону-сэргэни түмтэ. Зарядканы оскуолабыт учууталлара Артур Васильевич, Алия Владимировна, Алина Афанасьевна уонна Ньургуйаана Андреевна сүрүннээн ыыттылар. Кинилэр эти-хааны эрчийэр араас хамсаныылары бэркэ көрдөрөн, барыларын сэргэхситтилэр. Маннык тэрээһиннэр оҕолорго эрэ буолбакка, улахан дьоҥҥо эмиэ чөл олоххо тардыһыыны үөскэтэллэр, доруобуйаларын бөҕөргөтөргө көмөлөһөллөр.