📚Оскуолабытыгар сылын ахсын ыытыллар мунньахпыт ситиһиилээхтик ааста!
📚Оскуолабытыгар сылын ахсын ыытыллар мунньахпыт ситиһиилээхтик ааста! Саҥа үөрэх дьылын көрсө, оскуолабытыгар педагогтар уонна үлэһиттэр бары түмсэн, сыллааҕы үлэни түмүктүүр уонна инники былааннары торумнуур традиционнай мунньахпыт буолла. Бу көрсүһүүгэ ааспыт үөрэх дьылын ситиһиилэрэ ырытылынна, кэлэр сыллааҕы уларыйыылар быһаарылыннылар. Мунньахха оскуолабыт директора Ольга Валентиновна, ааспыт үөрэх дьылыгар кэллэктиип тахсыылаах үлэтин иһин махтанна уонна саҥа үлэһиттэри коллективка билиһиннэрдэ. Үөрэх ноҕуруускатын уонна тарификацияҕа уларыйыылары үөрэх-иитии үлэтин дириэктэрин солбуйааччы Надежда Николаевна сиһилии сырдатан, учууталлары саҥа ирдэбиллэри кытта билиһиннэрдэ. Иитии үлэтин салайааччылар Саргылана Аркадьевна уонна Ньургуйаана Андреевна оҕолорго анаммыт саҥа уонна интэриэһинэй бырайыактары билиһиннэрдилэр. Бары дакылааттар уонна этиилэр протоколга киирдилэр. Бу мунньах кэлэр үөрэх дьылыгар оскуолабыт үлэтин таһымын өссө үрдэтиэхпит диэн эрэли үөскэттэ. Бары күүспүтүн түмэн, инники күөҥҥэ тахсарга бэлэммит!