Балаҕан ыйын 10 күнүгэр, Аммаҕа үөрэх үлэһиттэрин балаҕан ыйдааҕы сүбэ мунньахтара уонн...
Балаҕан ыйын 10 күнүгэр, Аммаҕа үөрэх үлэһиттэрин балаҕан ыйдааҕы сүбэ мунньахтара уонна Бизнес-инкубатордар дьаарбаҥкалара ситиһиилээхтик аастылар! Бу күн үөрэх эйгэтигэр уларыйыылары ырытыстылар. 📚Оскуола оҕолоро бэйэлэрин дьоҕурдарын көрдөрөн, мустубут дьону сөхтөрдүлэр: • 7-с кылаас үөрэнээччитэ Анисимова Ирина "Переработка мяса и молока" диэн бырайыагын сырдатта. • 9-с кылаас үөрэнээччитэ Васильева Виолетта "Клубничный рай" диэн бырайыагын көмүскээн, "Лучший школьный бизнес-проект" диэн диплом үрдүк аатынан наҕараадаланна! Бу киниэхэ инникигэ улахан көҕүлээһин буолуоҕа. Оҕолор бэйэлэрэ оҥорбут дьэдьэн барыанньаларын, оҕуруот аһын уонна да атын минньигэс астары атыылаатылар. Бу дьаарбаҥка оҕолорго үлэҕэ-хамнаска, атыыга-тутууга бастакы холонуу буолла. 📚Оскуолабыт учууталлара араас семинардарга уонна мунньахтарга сылдьан, үөрэх уларыйыыларын туһунан сүбэлэһэн кэллилэр. 🍁Ону тэҥэ, биһиги оскуолабыт учуутала Захарова Маргарита Тогоянична "Почетный наставник" диэн бэлиэнэн наҕараадаламмыта👏🏻