Үйэттэн үйэҕэ дьиэ кэргэни араҥаччылыыр күн күбэй Ийэни хоһооммутугар хоһуйабыт, ырыабы...
Үйэттэн үйэҕэ дьиэ кэргэни араҥаччылыыр күн күбэй Ийэни хоһооммутугар хоһуйабыт, ырыабытыгар ыллыыбыт. Саамай чугас уонна күндү киһибитигэр ытыктабылбыт уонна махталбыт туоһута буолан, Ийэ күнэ норуоппут биир кэрэхсэнэр бырааһынньыгынан буолар. Ол курдук, кэлэн иһэр ийэлэр күннэринэн эҕэрдэлээн туран, бүгүн алтынньы 15 күнүгэр, М.Н.Анисимов аатынан Сиэйэ орто-интернат оскуолатын күндү төрөппүттэригэр,күн-күбэй ийэлэрбитигэр аналлаах бырааһынньыктааҕы киэһэ буолан ааста. Хас биирдии кылаастан икки иһирэх ийэ хамаанда туруоран араас көрдөөх оонньууларга, музыкальнай лото күрэхтэригэр илин-кэлин түһүстүлэр. Күрэх саҕаланыан иннинэ ийэлэрбит, кылаас салайааччылара тардыбыт минньигэс астаах сандалыттан амсайа-амсайа, уйулҕаны уоскутан баҕа санааны толорорго төһүү күүс буолар «Баҕа санаа каартатын» оҥордулар. Күрэх кылаастарынан үс сүһүөҕүнэн арахсан түмүк таҕыста. Алын кылаастарга 4, ортолорго 7, улахаттарга 11 кылаастар уопсай түмүккэ бастаатылар. Бүгүҥҥү күнтэн күн-күбэй ийэлэрбит дуоһуйа сынньаммыттара, кыра да буоллар үөрүүлээх түгэннэри бэлэхтээбиппит буолуо диэн эрэнэбит. Куруук ыҥырыыбытын быһа гыммакка, кэлэн кыттар төрөппүттэрбитигэр ис сүрэхтэн махтанабыт.