8 сентябрьдә безнең мәктәп быел беренче тапкыр билгеләп үтелгән Россия Федерациясе халы... — 8 сентября 2026 г. в 11:39:23.352

8 сентябрьдә безнең мәктәп быел беренче тапкыр билгеләп үтелгән Россия Федерациясе халыклары телләре көненә кушылды! Бу бәйрәм Россия Президенты Владимир Путин Указы белән илебез халыкларының телләрен саклау һәм аларга ярдәм итү максатыннан гамәлгә куелган иде. Дата очраклы гына сайланмаган-8 сентябрь - иҗаты Халыклар дуслыгы һәм Россиянең мәдәни күптөрлелеге символына әверелгән күренекле шагыйрь Рәсүл Гамзатовның туган көне. Россия халыклары бердәмлеге елында бу бәйрәм үзенчәлекле мәгънәгә ия булды. Бөтен Россия буенча, шул исәптән безнең мәктәптә дә төрле форматта агарту чаралары узды: - мәктәп укучылары һәм укытучылары «Россия — Халыклар йорты»дигән Бөтенроссия диктантын яздылар. Текст Рәсүл Гамзатов иҗатына нигезләнеп төзелде һәм катнашучылар аны рус һәм татар телләрендә яздылар; - «Күп йөзле Россия»тематик күргәзмәсе; - халык әкиятләренә багышланган күргәзмә; - «Россия-Халыклар йорты» китапханә дәресе, анда балалар төрле халыкларның тарихы һәм әдәбияты белән таныштылар.