Бүгү делегейниң төрээн дылдар хүнүн 2000 чылдың февральдан эгелеп, дылдарга болгаш олар... — 23 февраля 2026 г. в 01:52:01.026
Бүгү делегейниң төрээн дылдар хүнүн 2000 чылдың февральдан эгелеп, дылдарга болгаш оларның культурлуг янзыларынга база кижилерниң хөй дылдыг болурунга деткимче кылдыр демдеглеп эрттирип эгелээн. Ынчангаш өөреникчилерни төрээн дылынга ынак, ону камнап, бокталдырбайн, шын ажыглаарынга кижизидип, тыва дылга сонуургалды күштелдирип, чогаадыкчы чоруун, угаан-медерелин сайзырадыр сорулга-биле директорнуң кижизидилге талазы-биле оралакчызы Кужугет А. Н. 5-7 класстарга "Төрээн дылым - өгбелерим ыдык сөңү" деп хемчегни эрттирген. . Төрээн дылдар хүнүнге тураскааткан хемчегниң аалчызы - Тываның алдарлыг Башкызы деп аттың, хөй-хөй хөрек демдээ-медальдарның болгаш шаңналдарның эдилекчизи, 29 чыл дургузунда школавыстың директору болуп ажылдап чораан хүндүлүг башкывыс, Валентина Кенденовна Монгуш. Хемчегге төрээн дыл дугайында ажык чугааны кылып, солун даалгаларны күүседип, бөлүктерниң аразында мөөрейлежип эрттиргеннер! . "Тыва чоннуң төрээн дылынга, төрээн чер чурттунга хүндүткели салгалдан салгал дамчыыр дээрзинге бүзүрел бар. Кижиниң төрээн дылы эң-не эргим, чону дег үнелиг, иезиниң сүдү дег сүүзүннүг! Дыл чок болза, нация чок, нация чок болза, чер-чурт чок!" деп түңнелди үндүргеннер. . Төрээн дылыңарга ынак болуп, хумагалыг ажыглап, дараазында салгалдарга дамчыдарын кыйгырдывыс! Төрээн дыл - өртээ турбас ыдык өнчүвүс! 78 өөреникчи хаара туттунган. #ДеньРодногоЯзыка #Февраль21 #ТөрээнДылХүнү