Үлмҗ өдр Хальмг Таңһчин школмудт хальмг келәр күүнддг өдр батлгдсмн. Эн өдр мана школд ... — 29 апреля 2026 г. в 18:22:27.555
Үлмҗ өдр Хальмг Таңһчин школмудт хальмг келәр күүнддг өдр батлгдсмн. Эн өдр мана школд багшнр болн сурһульчнр төрскн келәрн күүндәд, келлһән өргҗүләд, үгин көрңгән байҗулна. Тогтсн авъясар, эн өдр бас кесг соньн керг -үүл давулгдв. Олн-әмтнә негдлтин җилд нерәдсн Канкин Эрднин "Әрәсә" гидг шүлг Самбуева Виктория умшв. 5-гч "а, в" классин сурһульчнрла хальмг келнә багш Овьянова В. В. "Илвтә сандл" соньн наад давулв. 2-гч "д" классин күүкд школын саңд Найминова Е. В. багшла йовад, " Байр" седкүлд барлсн шүлгүд болн келврмүд айслулҗ умшцхав. 10-гч "а" классин сурһульч Балун Җирһл болн хальмг келнә багш Марсунова Р. Н. 3-4 -гч классин күүкдтә флешмоб "Хальмг би" хамдан биилцхәв. 4" б" классин күүкд "Илвтә түлкүр" Сарылова М. Н. багшла наадв. Багш Нармаева А. Н. 3 "а", 5 "а", 8 "б" классмудын сурһульчнрта "Үгин урлдан" гидг интерактивн наад давулад, күүкдин үгин көрң байҗулв. Багш Марсунова Р. Н. искуственн интеллектин дөңгәр тогтасн кичәлән давулв. Үдин хөөн англь келнә багшнр Накохова В. В., Чевлянова О. Ч. 6-7-гч классмудт "Англь тәәлвртә туульмуд хальмгар" болн тууҗин багш Ходеева Н.М. 6"в" классин күүкдтә " Орчлң нарар гегәрдг" гидг марһа давулв. Эн өдр йир соньн, күцәмҗтә болв! 🌷🌷🌷🌷🌷🌷🌷🌷🌷🌷🌷🌷 Среда- отличный день, чтобы посвятить себя родному языку и культуре! Сегодня была возможность поучаствовать в флешмобе " Калмыцкий танец", сыграть в интерактивные игры" Волшебный стул", " Словесное состязание", дидактическую игру" Волшебный ключ". Дети с удовольствием читали детский журнал " Байр". Викторина "Мир освящается, солнцем, а человек- знанием" посвящена истории и культуре родного края ( Ходеева Н.М.). А загадки на английском языке с отгадками на калмыцком языке помогли вспомнить термины на двух языкам по теме ", Овощи и фрукты"(Накохова В. В., Чевлянова О. Ч.).