🌷МӨРН САРИН 15. — 15 апреля 2026 г. в 15:23:31.063
🌷МӨРН САРИН 15. ☀️Эндрк өдриг Хальмг Таңһчд болҗах байрин өдрмүдлә ирлцүләд, "Бамб цецгин частрт" нерәдввидн. Школын һол эрс бамб цецгүдәр, хальмг хувцта күүкд күүнә болн залу күүнә зургудар кеерүлгдв. Радиоһар мана бичкдүд (Үлмҗин Саша, 1д кл., Мөңкән Анджелина, 7в кл., Яракан Эңкр, 7в кл., Кандуев Баир ,4а кл., Шардаева Иляна, 4а кл.) хальмг бичәчнрин хаврин, төрскн теегин, бамб цецгүдин умшсн шүлгүд соңсвидн. Завсрмудт сурһульчнр җиңнүрән мартад, һартан шаһа хаяд хавлҗ авдгинь, нәрн шинҗин төөлгүд һарһад зүүҗ чадхар седдгинь үзхлә, күүнә седкл байрлна. Наадкснь хальмг келнә багшнр learningapps олзлҗ тогтасн "Бамб цецгин частр" гидг наад күүкд таасҗ наадв. 11-дгч классмудын сурһульчнр хоорнд баатрльг дуулвр "Җаңһрин" учр-утхар "Долан дуңһра" наадн болв. Эн марһанд 11б класс диилвр бәрв. 11а класс эднәс дегд ард үлдсн уга. Иигҗ манахн өдрән давулҗанавидн.