Студентиге чагыг — 27 июня 2026 г. в 15:05:43.972
Студентиге чагыг Школаны доозарының шылгалдазын Чедиишкинниг дужаап алгаш, чалгын херип, Уурук-суурук эртем чедер күзелдерже Чер-черде хоорайларже аъттандыңар. Төрээн сууруң, чонуң төпке төлээлээр сен, "Төлептиглер ында-дыр"-деп бадыткап чор, Ада-ие, аймак чонуң чоргаарланзын, Арын-нүүрүң бедик тудуп, кызып өөрен. Саян ажып өөрензиңзе өске чоннуң Сагыжынга тыва кижи кандыг боорун, Өөредилге, ажыл-ижиң, чурумуңну Өскелерге үлегерлиг көргүзүп чор. Кады чурттаар өрээлиңде эжиң-өөрүң Кайыын-даа бол келген болур, эки таныш, Эптиг-демниг чаңгыс өгнүң төлдери дег, Эжиң–өөрүң сагыш човап, хүндүлеп чор. Төрээн ынак, ыдык чериң солувуткаш , Дөрт, беш чылда билиг чедер хоорайыңга Арыг-силиг, өөрүшкүң сөглеп чорааш, Аас-кежииң ак оруун чүглеп чору. Хостуг үең анаа халас эрттирбейн, Хоорайның чараш черин кезип, көрүп, Сонуургааның спорт, культура бөлгүмнери Сорунзазы сени тыртсын, киржип чору. "Улуг кижи болган мен"- дээш багай чүүлче Улуургаксап шымнып чорба, адың бода, Эртем четкен дипломуңну холга туткаш, Эглип кээр сен, аймак чонуң өөрүп уткуур. Кара Нассык-оол 28.08.23