КӨКТЕР БИЛЕ КЫЗЫЛДАР
КӨКТЕР БИЛЕ КЫЗЫЛДАР 📢Өөскүп кыпкан чаалыг шөл-даа сагындырар, Өөреникчи Сайын-оолдуң дептеринде Көктер биле кызылдарның демисели Көзүлдүр-ле арын санай чоруп орар. Башкызының чандыр көрбес кызыл шерии Байгы-ла бо көстүп кээрге хомуданчыг. Ынчалза-даа «көктер» черле шыдаптар деп, Ынаныжын күжүр Сайын ышкындырбаан. Улдуң төнүп, дыштанылга чоокшулаан, Удаа-дараа хыналдалар эгелепкен. Ам-на таптыг кызылдарны узуткаайн дээш, Алыс-бодун эртемдиве углап алган. Бергелерге торулбайн, кызып тургаш, Белен эвес хыналданы бижип дооскаш, Күзеп чораан демиселин тиилеп үнгеш, Күжүр Сайын бештиң бежин чаалап алган. Соруктуг ШИВИТПЕЙ. “Шын” №37 2026 чылдың сентябрь 24
571 просмотров