Нӕ зынаргъ бафысджытӕ! Арфӕ уын кӕнӕм Мадӕлон ӕвзӕгты ӕппӕтадӕмон боны фӕдыл! — 21 февраля 2026 г. в 09:52:32.045
Нӕ зынаргъ бафысджытӕ! Арфӕ уын кӕнӕм Мадӕлон ӕвзӕгты ӕппӕтадӕмон боны фӕдыл! Махӕн ирон ӕвзаг канд ныхасы фӕрӕз нӕу, уый у адӕмон зонды хӕзнадон, ӕнусты традициты ӕвӕрӕндон ӕмӕ нӕ ивгъуыд цард ӕмбарыны дӕгъӕл. Йӕ зӕлты - хъайтарон кадджыты азӕлд, хистӕрты куырыхон зондамынд, мадӕлты лирикон зарджытӕ. Алы дзырд, алы грамматикон формӕ дӕр дзы хӕссынц дугты фӕд, фыдӕлты хъысмӕттӕ, сӕ цинтӕ ӕмӕ фӕлварӕнтӕ. Ирон адӕмӕн, куыд алы этносӕн дӕр, афтӕ ӕвзаг у иудзинады символ. Уый у, нӕ ивгъуыдӕй нын тых исыны бар чи дӕтты ӕмӕ фидӕнмӕ ныфсджынӕй чи кӕсы, ахӕм ӕлхынцъ. Нӕ хӕс у, хуымӕтӕджы бахъахъхъӕнын нӕ, фӕлӕ ма йӕ фӕхъӕздыгдӕр кӕнын. Ирон ӕвзагыл ног литературон уацмыстӕ, кинонывтӕ, зарджытӕ саразын мах фӕлтӕрмӕ кӕсы. Алкӕмӕндӕр нӕ, йӕ кар ӕмӕ йӕ дӕсныйад нӕ хынцгӕйӕ, йӕ бон у йе ' вӕрӕн бахӕссын. Нӕ тыхтӕ баиу кӕнгӕйӕ, нӕ бон у, цӕмӕй ирон ӕвзаг рӕза, хъуыса алы ран дӕр, иу нӕ кӕна, нӕ уидӕгтӕ, нӕ истори ӕмӕ нӕ иумӕйаг фидӕн зӕрдыл лӕууын кӕнгӕйӕ. Уадз ӕмӕ ирон ӕвзаг баззайа цардӕгас, ирд ӕмӕ хъомысджынӕй!