💥Хемнер, хөлдерге айыыл тургуспас дээш ... — 8 июня 2026 г. в 08:40:40.126
💥Хемнер, хөлдерге айыыл тургуспас дээш ... 📢Чай келирге, суглар кыдыынга дыштаныр, ыңай-бээр хемелиг аргышкан кижилер хөй болур. Ол өөрүнчүг болурундан аңгыда, айыылдыг байдалдарны база тургуза бээр. Кижилерниң сугга дүже бээри дүвүренчиг айтырыгларның бирээзи апарган. Май 22-ниң кежээзинде Кризистиг байдалдар эргелелиниң төвүнге Бии-Хем хемге Тожу кожууннуң Ий суурдан малчын аал аразынга чораан резин хеме аңдарылган дугайында медээ келген. Түңнелинде аңаа чораан 3 кижи сугже кире берген. Олар шупту камгалал чеңи-чоктар чок чораан. Оларның бирээзи 46 харлыг херээжен кижи эрикче боду эштип үнүп келген. ОБЯ ажылдакчыларының демниг дилээшкининиң түңнелинде 47 харлыг херээжен кижиниң мөчүзүн май 26-да айыыл-халап болган черден 15 км ырактан тып алган. Май 30-ниң медээлери-биле, 52 харлыг эр кижини камгалакчылар ам-даа дилеп турар. Россияның ОБЯ-зының Тывада дилеп-тывар отрядының камгалакчылары ниитизи-биле 122 километрни, 44 ортулукту көрүп, водолазтар 8 катап суг дүвүнче киргеннер. Чылдың-на суг айыылынга эвээш эвес кижи таваржып, чамдыктары амы-тынындан-даа чарлып турар. Ону болдурбазы-биле, кандыг чылдагааннар-биле кижилерниң сугга дүжүп турарын тодарадып, сугдан камгаланырынга ажыктыг билиглерни кижи бүрүзү шиңгээдип алыры чугула. Хөй-ле кижилер, ылаңгыя бичии уруглар, эштип турар үеде болгу дег айыыл-халап дугайында чедир билбес. Ол талазы-биле билиглериниң чедишпезинден кижилерниң бодал чок базымнар кыла бээри айыылды тургузуп турар. Сугга айыыл чогунуң дүрүмнерин чүгле бичии уруглар эвес, а улуг кижилер база өөренири чугула. Кандыг-даа кижи айыыл-халапка таваржып, сугга дүшкен кижини камгалаар-даа апаар. https://vk.com/wall-201111625_64821