| ШҮЛҮКТЕР КЫДЫРААЖЫНДАН | — 16 июня 2026 г. в 01:04:52.254
| ШҮЛҮКТЕР КЫДЫРААЖЫНДАН | 💥Школамга Билиглерниң дүп чок ханы далайынче Бир-ле дугаар шымнып кирген өргээвис боор, Ынак төрээн школам сеңээ база катап Ырак-узак кайыын-даа бол, чеде бээр мен. Майтак, курзук, кенен, тенек шаавыстан-на Макталды-даа, чемени-даа деңге сөңнеп, Баштарывыс үттеп, сургап өөредип каан Башкыларым алдын чагыы – ыдык дүрүм. Аңгырактар – эжеш куштар эштип ойнаар Аржаан болган кара сууңну ижип өстүм. Партага олурупкаш, кичээлдерге Башкыларым мерген сөзүн дыңнап чордум. Амыдырал ээр-дагыр кокпалары Аартыр-ла аар чүъгүн дергилээн дег, Бежен чартыы – чээрби беш чыл шуужа берди, Мээң сеңээ өрем улуун миннип сөглээйн. Кижилерге, ием ышкаш оранымга Эки чүүлдү эвээш-биче кылзымза-даа, Хилинчек, бак, бузут, хүрүм, нүгүл кылбайн, Эгидерин кызыдар мен, төрээн школам. / Буян ЁНДАН. 31. 05. 2026 ч. Чурукту ГигаЧатка чураан. “Шын” №22 2026 чылдың июнь 11