Ө-деп үжүк өнчүвүс бооп артпайн барза,

Ө-деп үжүк өнчүвүс бооп артпайн барза, Өөвүске өпей ыры чаңгыланмас. Өзүп орар чаптанчыг чаш салгалывыс Өткүт үн чок өртемчейни чарашсынмас. Ң-деп үжүк ыңаа дигеш ыңайлаза, Ң-ның соонда ындыг кежик биске келбес. Ыңаажыктар, Ыңаалайлар дээн ышкаш, Ыңгыржактыг төрүттүнер эрлер турбас. Ү-деп үжүк үжүглелден үнер болза, Үндезинниг дылывыс-даа номчуттунмас. Үе-шагның казыргызын шыдап эрткен Үлегерлиг чонувус-даа таныттынмас. ✍️ Вадим Чыкай