1 июнь — яктылык һәм елмаю белән тулы үзенчәлекле көн! Халыкара балаларны яклау көнендә... — 1 июня 2026 г. в 21:49:07.137
1 июнь — яктылык һәм елмаю белән тулы үзенчәлекле көн! Халыкара балаларны яклау көнендә безнең балалар өчен «Кояшкай»мәктәп яны лагере үз ишекләрен ачты. Бу көн иҗаттан башланды: без «Балачак буяулары»Бөтенроссия акциясенә кушылдык. "Дөнья балалар күзләре белән" темасы яшь рәссамнарны рәсемнәр ясарга рухландырды. Кәгазьдә иң якты фантазияләр, яхшы хыяллар һәм төрле төстәге хисләр җанланды! Иҗат дәртеннән соң отряд авыл китапханәсенә кунакка китте. Монда безне бик җылы очрашу көтә иде. Китапханәче Рәсимә Хәвиз кызы балалар хокуклары һәм бәйрәмнең тарихы турында әңгәмә үткәрде. Балалар бик күп кызыклы нәрсәләр белделәр, ә очрашу азагында хәрәкәтчән күңелле уеннар оештырдылар, алар барысына да энергия һәм яхшы кәеф бирде. Бу җәй шундый ук якты, кояшлы һәм онытылмаслык булсын! Бәйрәм белән, кадерле балалар! 🌞