2 июнь “Йырлап асыла күңел” — 2 июня 2026 г. в 17:02:51.633
2 июнь “Йырлап асыла күңел” «Йәйләү» лагерында тағы ла бер күңелле һәм файҙалы көн үтеп китте. Алтынсы көн балалар өсөн төрлө уйындар, халыҡ көйҙәренә арналған саралар менән башланды. Иртәнге аштан һуң беҙҙең төп сара — «Был ниндәй көй?» интеллектуаль-күңел асыу уйыны булды. Балалар командаларға бүленеп, төрлө йырҙарҙы танырға тырышты, музыкаль викторинала белемдәрен күрһәтте. Уйындан һуң барыбыҙ ҙа саф һауаға сығып, төрлө уйындар уйнап алдыҡ. Йүгерештек, көлдөк, команда рухын нығыттыҡ. Саф һауала уйнау балаларға дәрт өҫтәне. Көндөң аҙағында, ял итеп алғас, беҙ «Рәсәй моңдары» тип аталған видеофильм ҡараныҡ. Рәсәйҙә йәшәгән төрлө халыҡтарҙың моңо, милли ҡоралдары һәм бейеүҙәре тураһында бик ҡыҙыҡлы мәғлүмәт бирелде. Был беҙгә илебеҙҙең бай мәҙәни мираҫына тағы ла яҡынрак булырға ярҙам итте. Көн шулай күңелле генә үтеп тә китте. Иртәгә лә яңы асыштар һәм мауыҡтырғыс осрашыуҙар көтә!